1 Nuuko numva ijwi riranguruye rituruka mu Nzu y'Imaana ribwira ba baamalayika barindwi riti, "Nimugende maze musuke ku isi ayo mabakure arindwi y'uburaakari bw'Imaana."

2 Malayika wa mbere aragenda maze asuka ku isi ibyari biri mu bakure ye nuuko abantu baari bafite ikimenyeetso c'ikinyamaaswa kandi bakaramya n'igishushaanyo caayo, bafatwa n'ibisebe by'imifunzo bibabaza caane.

3 Malayika wa kabiri asuka mu nyanja ibyari biri mu bakure ye, maze inyanja yoose ihinduka nk'amaraso y'umuntu wapfuuye, nuuko ikinyabuzima coose caari kiri mu nyanja kirapfa.

4 Malayika wa gatatu asuka mu nzuuzi n'imigezi y'amaazi ibyari biri mu bakure ye, maze bihinduka amaraso. 5 Nuuko numva malayika ushinzwe amaazi abwira Imaana ati, "Uri umutabeera wa Weera we, wowe uriho kandi wahozeho, kuko waciiye urubanza utabeera. 6 Baamennye amaraso y'abantu b'Imaana n'ay'abahanuuzi, noone ubahaaye amaraso ngo bayanywe. Bahaawe icaari kibakwiriye." 7 Nuuko numva ijwi riturutse ku tambiro rivuga riti, "Yeego Nyagasani Maana Ishoborabyose, uca imanza z'ukuri n'ubutabeera!"

8 Malayika wa kane asuka ibyari biri mu bakure ye ku zuuba, maze Imaana yeemerera izuuba kookeesha abantu umuriro wa ryo. 9 Abantu bookejwe n'ubushuuhe bwinshi, maze batuka izina ry'Imaana yari ifite ububaasha bwo guteeza ibi byago, kandi ntibiihana no guha Imaana icuubahiro.

10 Malayika wa gataanu asuka ibyari biri mu bakure ye ku ntebe y'ubwami bwa ca kinyamaaswa, ubwami bwaco buhinduka umwijima, maze abantu bahekenya indimi zaabo kubeera ububabare, 11 nuuko batuka Imaana yo mu ijuru, babiteewe n'ububabare n'ibisebe, kandi ntibiihana ibikorwa byabo bibi.

12 Malayika wa gatandatu asuka ibyari biri mu bakure ye mu ruuzi runini rwa Efurate, maze amaazi yarwo arakama kugira ngo hateguurwe inzira y'abaami baturuka iburasirazuuba. 13 Nuuko mbona imyuka mibi itatu imeze nk'imitubu iva mu kanwa ka ca kiyoka, mu kanwa ka ca kinyamaaswa no mu kanwa ka wa muhanuuzi w'ibinyoma. 14 Iyo ni ya myuka y'abadayimooni ikora ibitangaaza, igasanga abaami bo mu isi yoose, kugira ngo ibakoranyirize kuzaaja mu ntambara kuri wa munsi ukomeye w'Imaana Ishoborabyose.

15 ✝(Nyagasani aravuze ati, "Dore! Ndaaje nk'umujuura! Hahiirwa uba maaso agahora yambaye, kugira ngo atagenda yambaye ubusa, maze abantu bakabona ubwambure bwe akamwara.")

16 Nuuko ya myuka ikoranyiriza hamwe ba baami, mu mwanya wiitwa Harimagedoni mu rurimi rw'Uruheburaayo.

17 Malayika wa karindwi asuka ibyari biri mu bakure ye mu kireere, maze ijwi riranguruye rituruka ku ntebe y'ubwami mu Nzu y'Imaana, riravuga riti, "Birarangiye!" 18 ✝Nuuko haaza imirabyo, urusaku no guhinda kw'inkuba, n'imishitsi. Ntihiigeze kubaho umushitsi nk'uyu kuva abantu baaba ku isi. Uyu ni wo mushitsi ukomeye wabaayeho kuruta iyindi yoose. 19 Itawuni nkuru y'icaamamare isadukamo gatatu, nuuko amatawuni makuru y'amahanga yoose araseenyuka. Imaana ntaabwo yiibagiwe Babilooni y'icaamamare, nuuko iyiha kunywera ku gikopu cuuzuye divaayi y'uburaakari bwayo. 20 ✝Nuuko ibirwa byose birahunga, n'imisozi yoose irabura. 21 ✝Urubura ruremeereye, rungana n'ibilo mirongo itaanu buri rumwe, rumanukira abantu ruvuuye mu ijuru, kugeza ubwo batuka Imaana ku bw'ico caago c'urubura caari gitinyiishije caane.