1 "Andikira malayika w'itoorero rya Saridi uti,

‘Ubu nibwo butumwa buvuuye kuri uwo ufite imyuka ndwi y'Imaana n'inyenyeeri ndwi. Nzi imirimo ukora. Wiitwa ko uri muzima ariko warapfuuye. 2 Kanguka ukomeze ibyo ugifite bitaraapfa, kuko nasanze ibikorwa byawe imbere y'Imaana bidatungaanye. 3 ✝Nuuko reero wiibuke ibyo wiigiishijwe n'ibyo wumviise, maze ubikurikize kandi wiihane. Naho niiba utabaaye maaso, nzaaza nk'umujuura, kandi ntuuzaamenya igihe nzaakugereraho. 4 Icakora, uracaafite abantu bake i Saridi batanduje imyambaro yaabo. Bazaagendana nanje bambaye ibyera, kuko babikwiriye. 5 ✝Abazaatsinda urugamba ni bo bazambikwa imyambaro yeera, kandi sinzaasangura amazina yaabo mu gitabo c'ubugingo. Nzaatangaaza amazina yaabo kumugaragaro imbere ya Daata hamwe n'imbere y'abaamalayika ko baari abayoboke banje.

6 Ufite amatwi niyumve ico Umwuka abwira amatoorero.’ "

7 "Andikira malayika w'itoorero rya Filadelifiya uti, ‘Aya ni yo magambo y'uweera kandi w'ukuri, ufite igishumuruzo c'inzu ya Dawudi, ukinguura ntihagire n'umwe ukinga, kandi ukinga ntihagire n'umwe ukinguura. 8 Nzi imirimo ukora. Dore nshize imbere yaawe umuryango ukinguuye, uwo hataagira n'umwe waashobora kuwukinga. Nzi neeza yuuko ufite imbaraga nke, ariko ukaba wararinze ijambo ryanje, kandi ntiwiihakane izina ryanje. 9 Dore nzaakwegurira abo bantu b'ikoraniro rya Sataani biiyita abaatooranyijwe n'Imaana kandi atari bo, ahuubwo ari ababeeshi. Dore ngiiye kubakuuzanira bapfukame imbere yaawe maze bamenye yuuko ngukunda. 10 Kuko wakurikije amabwiriza yanje yo kwihangaana, nanje nzaakurinda igihe co kugeragezwa kigiiye kuuza ku isi yoose, kugerageza abayituuye. 11 Dore ngiiye kuuza bidatinze, ukomeze ico ufite kugira ngo hatagira ukwaka ikamba ryawe. 12 ✝Abazaatsinda, nzaabagira inkingi mu Nzu y'Imaana yanje, kandi ntibaziigera bayivamo. Nzaabandikaho izina ry'Imaana yanje, n'izina ry'Ururembo rw'Imaana yanje, ari rwo Yerusaalemu nsha yamanutse mu ijuru iva ku Maana yanje, ndetse mbandikeho n'izina ryanje risha.

13 Ufite amatwi, niyumve ico Umwuka abwira amatoorero.’ "

14 "Andikira malayika w'itoorero rya Lawodikeya uti,

‘Aya ni amagambo ya Amiina, umudahemuka kandi umuhamya w'ukuri, akaba n'inkomooko y'ibyaremwe n'Imaana byose. 15 Nzi imirimo ukora, ntuukonje kandi ntuushuushe. Iyaaba niibura wari ukonje cangwa ushuushe! 16 Noone reero ubwo uri akazuyaazi, ukaba udakonje cangwa ngo ushuuhe, ngiiye kukuruka uve mu kanwa kanje. 17 Uravuga uti: Ndi umukire, nateeye imbere kandi ntaaco niifuuza. Ariko ntuumenye yuuko uri imbabare yo kubabarirwa, umukene, impumyi kandi ko wambaye ubusa. 18 Noone reero nkugiiriye inaama yo kunguraho izaahabu yayungurujwe n'umuriro kugira ngo ube umukire. Ungureho n'imyambaro yeera kugira ngo wambare maze uhishe ubwambure bwawe kugira ngo butareebeka. Kandi ugure n'umuti wo gusiiga ku maaso yaawe kugira ngo ureebe. 19 ✝Njeewe abo nkunda ndabacaaha kandi nkabagiira inaama. Nuuko reero, nimugire umwete kandi mwihane. 20 Dore mpagaze ku muryango ndakomanga. Nihagira uwumva ijwi ryanje agakinguura uruugi, nzinjira maze dusangire. 21 Kuri abo bazaatsinda, nzaabaha umwanya biicarane nanje ku ntebe yanje y'ubwami, nk'uko nanje natsinze nkaba niicaranye na Daata ku ntebe ye y'ubwami.

22 Ufite amatwi niyumve ico Umwuka abwira amatoorero.’ "