1 Kare mugitondo, abatware b'abaheerezabitambo baja inaama hamwe na bakuru b'imiryango n'Abiigiishamategeko, ndetse n'abagize inaama nkuru boose. Baboha Yesu, maze baramujaana bamushikiriza Pilaato. 2 Pilaato aramubaza ati, "Mbese uri umwami w'Abayuuda?"

Yesu aramusubiza ati, "Urabyivugiye."

3 Abatware b'abaheerezabitambo bamurega byinshi. 4 Pilaato yongera kumubaza ati, "Ntaaco wasubiza? Ntiwumva ibyo bakurega byose?" Yesu azanwa imbere ya Pilaato.

5 Ariko Yesu ntiyagira ico yongera gusubiza, maze Pilaato biramutangaaza.

6 Mu minsi mikuru y'ibirori byo Kunyurwaho, Pilaato yabarekuriraga umusibe uwo baabaga bamusabye. 7 Ico gihe haariho umugabo wiitwa Baraba wari warafunganywe n'abagambanyi b'igihugu bari baarakoze icaaha co kwica mu gihe c'impagarara. 8 Abantu benshi baraaza batangira gusaba Pilaato ngo abagenzereze nk'uko yabamenyeereje. 9 Nuuko arababaza ati, "Murashaaka ko mbarekurira umwami w'Abayuuda?" 10 Kuko yari azi neeza ko abatware b'abaheerezabitambo baamutanze ku bw'ishari.

11 Ariko abatware b'abaheerezabitambo boosha rubanda ngo ahuubwo basabe ko abarekurira Baraba. 12 Pilaato arongera arababaza ati, "Noone se murashaaka ko ngenza nte uyu mugabo wo mwise umwami w'Abayuuda?"

13 Bateera heejuru bavuga bati, "Mubambe!"

14 Pilaato arababaza ati, "Kuki, ikibi yakoze ni ikihe?" Maze barushaho guteera heejuru bati, "Mubambe!"

15 Nuuko Pilaato, ahitamo gushiimiisha abantu, maze abarekurira Baraba. Bamaze gukubita Yesu, aramutanga ngo baje kumubamba.

16 Nuuko abasirikare bamujaana mu gikaari c'ingoro y'umwami, maze bakoranya umutwe w'ingabo zoose zirateerana. 17 Bamwambika umwenda w'umuhengeri, bamaze kuboha ikamba ry'amahwa, barimwambika ku mutwe. 18 Batangira kumuramutsa bamunnyega bati, "Turakuramutsa mwami w'Abayuuda!" 19 Bamukubita urubingo mu mutwe, bamuciiraho, barapfukama baramuramya. 20 Bamaze kumushinyagurira, bamwambura wa mwenda w'umuhengeri maze bamwambika imyenda ye, bamujaana ku mubamba.

21 ✝Abasirikare bakigenda bahuura na Simooni w'umunyakureeni watambuukaga avuuye mu caaro, bamuhata kwikorera umusaraba wa Yesu. Simooni yari se wa Alekizanda na Rufusi. 22 Nuuko bajaana Yesu ahantu hiitwa Gologota bisobaanura ku k'ibihanga. 23 Bamuha divaayi ivanze n'umuti wiitwa maya*, ariko ntiyayinywa. 24 Nuuko baramubamba, maze bagabana imyenda ye, bakoreesheje ubufindo ngo bamenye ico buri umwe aribujaane. 25 Baamubambye isaaha itatu zo mugitondo. 26 Inyandiko y'ikirego yandikwa heejuru ye, ngo, "Umwami w'Abayuuda." 27 Maze bamubambana n'abambuzi babiri, umwe iburyo, undi ibumoso. [ 28 Nuuko biba nk'uko ibyanditswe bivuga ngo "Yabazwe mu bagome."] 29 ✝Abaanyuraga aho bakamutuka, bakazunguza imitwe bavuga bati, "Ahaa! Wowe waashobora guseenya Inzu y'Imaana maze ukayubaka mu minsi itatu, 30 ikize ubwawe, maze umanuke k'umusaraba!"

31 Abatware b'abaheerezabitambo, hamwe n'abanditsi na bo bakamushinyagurira bavuga bati, "Yakijije abandi, ariko yananiwe kwikiza. 32 Kristo, Umwami wa Isirayeli, manuka k'umusaraba noone aha, kugira ngo tureebe maze twemere."

Ndetse n'abaari babambanywe na we na bo baramutuka.

33 Zibaaye saaha itandatu, isi yoose icura umwijima kugeza saaha icenda. 34 Isaaha icenda zigeze, Yesu ataka mu ijwi rirenga ati, "Eloyi, Eloyi, lama sabakitani?" Bisobaanura ngo, "Maana yanje, Maana yanje, n'iki gitumye unteererana?"

35 Bamwe mu baari bahagaze aho babyumviise, baravuga bati, "Murumva! Aratabaaza Eliya." 36 Nuuko umwe ariiruka, afata icangwe acuuzuza divaayi ishaariira, agihambiira ku rubingo, aramuheereza ngo anywe, avuga ati, "Reka tureebe ko Eliya yaza kumumanura ku musaraba."

37 Yesu ataka caane maze ahuumeeka uwanyuma.

38 Umwenda ukingiriza aheera ho mu nzu y'Imaana utandukamo kabiri, uheereye heejuru ukageza haasi. 39 Umutware w'abasirikare wari uhagaze imbere ye, aboonye uko apfuuye, aravuga ati, "Koko uyu mugabo yari Umwana w'Imaana."

40 ✝Haari abagore baareeberaga kure, baarimo Mariya Magadaleena, na Mariya nyina wa Yaakobo muto, Yozesi na Salome. 41 Aba bagore baakurikiraga Yesu bakanamufasha akiri i Galileeya, kandi baari kumwe n'abandi bagore benshi bamuherekeje aja i Yerusaalemu.

42 Bugoroobye, ku munsi ubanziriza i Saabato anariwo munsi wo kwiteguura, 43 Yozefu w'i Arimatiya, umujaanaama w'icuubahiro w'urukiiko rw'Abayuuda, na we wari utegereje Ubwami bw'Imaana, aja kwa Pilaato ashirutse ubwoba asaba umurambo wa Yesu. 44 Maze Pilaato atangaazwa n'uko Yesu yaaba yaapfuuye, ahamagaza umutware w'abasirikare, amubaza niiba Yesu yapfuuye koko. 45 Amaze kubyemezwa, yeemerera Yozefu kujaana umurambo. 46 Nuuko Yozefu agura umwenda w'umweru, amaze kumanura umurambo, awupfunyika muri wa mwenda, awushira mu mva yari yaracukuwe mu rutare. Haanyuma ahirikira ibuye rinini ku muryango w'imva. 47 Mariya Magadaleena na Mariya nyina wa Yozesi babona aho umurambo uhambwe.