1 Ubu ni Ubutumwa bwiza bwa Yesu Kristo Umwana w'Imaana*. 2 Bwatangiye nk'uko umuhanuuzi Yesaaya* yanditse ati,

" ‘Nzaatuma integuuza yanje mbere yaawe,

Izaaguteguurira inzira yaawe.’

3 Ijwi ry'uvugira mu butaayu aranguruye ati,

‘Nimutungaanye inzira y'Uhoraho,

mugorore inzira ze!’ "

4 Yohaana Umubatiza yaje mu butaayu abwiriza abantu iby'umubatizo wo kwihana kugira ngo bababarirwe ibyaha. 5 Abantu batuuye mu gice c'i Yudeeya n'ab'i Yerusaalemu boose baja aho ari, ababatiriza mu ruuzi rwa Yorodaani, baatura ibyaha byabo. 6 Yohaana yambaraga imyambaro ikozwe mu bwoya bw'ingamiya, agakenyeza umushumi w'uruhu. Ibyokurya bye byari inzige n'ubuuki bw'ubuhura. 7 Yabwirizaga avuga ati, "Undusha ububaasha azaaza haanyuma yanje, sinkwiriye no kuunama ngo mfunduure udushumi tw'ingato ze. 8 Njeewe ndababatiriisha amaazi, ariko we azaababatiriisha Umwuka Weera."

9 Muri iyo minsi, Yesu ava i Nazaareeti muri Galileeya aza ngo Yohaana amubatirize muri Yorodaani. 10 Akiva mu maazi abona ikireere gitandukanye, Umwuka Weera amumanukiraho asa n'inuma.Umwuka Weera, ari mu ishusho ry'inuma amanukira kuri Yesu. 11 ✝Nuuko ijwi rituruka mu ijuru riti, "Uri Umwana wanje nkunda nkakwishiimira."

12 Ako kaanya, Umwuka amujaana mu butaayu. 13 Yamaze mu butaayu iminsi mirongo ine, ageragezwa na Sataani. Yabaanaga n'inyamaaswa zo mu ishamba, abaamalayika bamuheereza.

14 Haanyuma yo gusibwa kwa Yohaana, Yesu aja i Galileeya yaamamaza Ubutumwa Bwiza bw'Imaana, 15 ✝avuga ati, "Dore igihe kirasohoye, Ubwami bw'Imaana buri haafi. Mwihane, mwizeere Ubutumwa Bwiza."

16 Yesu anyura iruhande rw'ingezi y'i Galileeya, abona Simooni na mwene se Andereya barobeesha ubutimba mu ngezi, kuko baari abarobyi. 17 Yesu arababwira ati, "Nimunkurikire, nzaabagira abarobyi b'abantu." 18 Ako kaanya basiga ubutimba baarobeshaga baramukurikira. 19 Yigiye imbere gato abona Yaakobo mwene Zebedaayo na Yohaana mwene se, na bo bari aho batunganya ubutimba bwabo mu bwato. 20 Arabahamagara, maze ako kaanya basiga se Zebedaayo mu bwato n'abakozi be, baramukurikira.

21 Yesu n'abiigiishwa be baja i Kaperenawumu, ku Isaabato yakurikiyeho, yinjira mu isinagoogi, ariigiisha.

22 ✝Abantu batangaarira inyigiisho ze kuko yiigiishaga nk'ufite ububaasha, atameze nk'Abiigiishamategeko. 23 Ako kaanya mu isinagoogi haarimo umuntu urimo umwuka mubi. 24 Arataka caane ati, "Uradushaakaho iki Yesu w'i Nazaareeti? Uje kuturimbura? Nzi uwo uri we, uri Uweera w'Imaana." 25 Yesu ategeka uwo mwuka mubi ati, "Ceceka, kandi muvemo." 26 Nuuko uwo mwuka mubi uramutigita, uteera heejuru n'ijwi rirenga maze umuvamo. 27 Boose baratangaara, maze bariibaza bati, "Ibi ni ibiki? Ko ari imyigiishirize idasanzwe! Ategeka n'imyuka mibi ikamwumvira." 28 Nuuko iyo nkuru yaamamara hoose muri Galileeya.

29 Bamaze gusohoka mu isinagoogi, binjira mu nzu ya Simooni na Andereya, bari kumwe na Yaakobo na Yohaana. 30 Nyirabukwe wa Simooni yari aryamye afite umuriro mwinshi, haanyuma bamubwira ibimufasheho. 31 Yesu aramwegeera, amufata ukuboko, aramuhagurutsa, umuriro umuvamo, atangira kubazimaanira. 32 Kuri uwo mugorooba, izuuba rirenze bamuuzanira abarwayi boose n'abateewe n'abadayimooni. 33 Abo muri iyo tawuni boose bateeranira imbere y'iyo nzu. 34 Maze akiza benshi baari barwaye indwara zitandukanye, yiirukana abadayimooni benshi, kandi ntiyabeemerera ko bavuga, kuko baari baazi uwo ari we.

35 Mu gitondo kare kare, hataraabona, Yesu arahaguruka, arasohoka, aja kwihereera mu mwanya utarimo abantu, nuuko arasenga. 36 Simooni n'abandi baari kumwe baja kumushaaka. 37 Bamuboonye, baramubwira bati, "Buri muntu ari kugushaaka."

38 Yesu arabasubiza ati, "Nimureke tuje mu ma tawuni mato atwegeereye, kugira ngo na bo mbabwirize, kuko ari co canzanye."

39 ✝Yitooroora igice c'i Galileeya coose, abwiriza mu masinagoogi kandi yiirukana abadayimooni.

40 Umuntu wari urwaye ibibembe* aza aho ari, apfukama imbere ye, aramwinginga amubwira ati, "Ubishaatse wankiza."

41 Yesu amugirira imbabazi, arambuura ukuboko, amukoraho aravuga ati, "Ni co nshaaka, kira!" 42 Ako kaanya ibibembe birakira, arahumaanuka. 43 Mukumuseezerera Yesu aramwihanangiriza caane, 44 aramubwira ati, "Uramenye, utagira uwo ubibwira, ariko ugende, wiiyereke Umuheerezabitambo, kandi utuure n'ituuro ryo kwihumaanura nk'uko Moose yategetse, kugira ngo bibabeere ubuhamya ko wakize."

45 Ariko uwo muntu akigenda, atangira kwamamaza iyo nkuru, ayikwiza hoose mu tawuni. Ibyo byatumye Yesu aguma mu myanya idatuuwe n'abantu, abaamushaakaga kuva mu mpande zoose akaba ari yo bamusanga.