17 ଏନ୍ତେ ମୁଶା ହୟାଁର୍ତେକେ କାଜିକିୟା, "ଆମାଃ ନେ କାମି ରିକାତେୟାଃ ବୁଗିନ୍ ନାହାଁଲାଃ। 18 ନେଆଁ ହରାତେ ଆମ୍ ଓଡ଼ୋଃ ନେ ହଡ଼କ ହଗି ଲାଗାକଆଃକ, ଚିଆଃଚି ନେ କାମି ଆମାଃ ନାଗେନ୍ତେ ପୁରାଃ ହାମ୍ବାଲ୍ ତାନା, ଏସ୍କାର୍ ନେଆଁ କାମ୍ ରିକା ଦାଡ଼ିୟା। 19 ଏନାମେନ୍ତେ ଆଇଁୟାଃ କାଜି ଆୟୁମେମେ, ଆଇଙ୍ଗ୍ ଆମ୍କେ ଅକ୍ନାଃ ଇତୁମେୟାଇଙ୍ଗ୍ ଏନାରେ ପାର୍ମେଶ୍ୱାର୍ ଆମାଃଲଃ ତାଇନଃକା। ଆମ୍ ନେ ହଡ଼କଆଃ ନାଗେନ୍ତେ ପାର୍ମେଶ୍ୱାର୍ ଆୟାର୍ରେ ତାଇନ୍ମେ ଇନ୍କୁଆଃ କାଜି ପାର୍ମେଶ୍ୱାର୍କେ ଉଦୁବାଇମେ। 20 ଆମ୍ ଇନ୍କୁକେ ପାର୍ମେଶ୍ୱାର୍ଆଃ ନିୟାମ୍ ଇତୁକମେ ଓଡ଼ୋଃ ଇନ୍କୁଆଃ ଲାଗାତିଙ୍ଗ୍ ହରା ଓଡ଼ୋଃ ଲାଗାତିଙ୍ଗ୍ କାମିକ ଉଦୁବାକମେ। 21 ଆଡଃଗି ଆମ୍ ନେ ହଡ଼କଆଃ ଭିତାର୍ ହେତେଗି କାମିଦାଡ଼ି ଆଗୁଆଇନିଃ ଓଡ଼ୋଃ ପାର୍ମେଶ୍ୱାର୍କେ ବରଆଇତାନ୍, ସାର୍ତି ଓଡ଼ୋଃ ଟାକା ସିକା କା ହାୟାତାନ୍ ହଡ଼କକେ ସାଲାକମ୍। ଇନ୍କୁକେ ହଡ଼କଆଃ ଚେତାନ୍ରେ ମିଦ୍ ହାଜାର୍, ମିଦ୍ ସାଅ, ବାର୍ହିସି ଗେଲ୍ ଓଡ଼ୋଃ ଗେଲ୍ ହଡ଼କଆଃ ଲେକା ଦହକୁମେ। 22 ଓଡ଼ୋଃ ଇନ୍କୁ ସବେନ୍ ଇମ୍ତାଙ୍ଗ୍ ହଡ଼କଆଃ ବିଚାର୍ ରିକାୟା, ଓଡ଼ୋଃ କା ରିକା ଦାଡ଼ିତେୟାଃ ନାଗେନ୍ତେ ଆମାଃ ହେପାଦ୍ତେ ହିଜୁଃକା, ଓଡ଼ୋଃ ହୁପୁଡିଙ୍ଗ୍ ହୁପୁଡିଙ୍ଗ୍ କାଜିକ ଆକଗି ବିଚାରେକାକ, ଏନ୍ତେ ଆମାଃ ଚେତାନ୍ରେୟାଃ ବାହାରମ୍ କାଟିଃଗି ହବାଅଃଆ ଚିଆଃଚି ନେ ବାହାରମ୍ ଇନ୍କୁ ହଗି ଆମାଃଲଃ ଗଅଃୟାକ। 23 ଆପେ ନେ’ଲେକାପେ ରିକାଏ ରେଦ, ଓଡ଼ୋଃ ଏନା ପାର୍ମେଶ୍ୱାର୍ଆଃ ହୁକୁମ୍ ତାନାଃ ରେଦ, ଆପେ ସବେନାଃମ୍ ସାହାତିଙ୍ଗ୍ ଦାଡ଼ିୟା। ଓଡ଼ୋଃ ନେ ହଡ଼କ ଜୀଉସୁକୁତେ ଆକଆଃ ଅଡ଼ାଃ ସେଟେର୍ ଦାଡ଼ିୟାକ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)