ରାଜିନାମା ବାକ୍ସା
10 "ଇନ୍କୁ ମିଆଁଦ୍ ବାବୁଲ୍ ଦାରୁରାଃ ରାଜିନାମା ବାକ୍ସା ବାଇୟେକାକ, ଏନାରାଃ ଜିଲିଙ୍ଗ୍ ବାର୍ ମୁକା ମିଦ୍ ବିତା, ଚାକାର୍ ମିଦ୍ ମୁକା ମିଦ୍ ବିତା ଓଡ଼ୋଃ ସାଲାଙ୍ଗି ମିଦ୍ ମୁକା ମିଦ୍ ବିତା ତାଇନ୍କା। 11 ଓଡ଼ୋଃ ଏନାରେୟାଃ ଭିତାର୍ ଓଡ଼ୋଃ ବାହାରିରେ ଫାର୍ଚି ସୋନାତେ ଜଲମେମେ ଓଡ଼ୋଃ ଏନାରେୟାଃ ଚେତାନ୍ ସାଃ ରାଃ ଗେନା ଗେନା ଚାରିଓସାଃରେ ସୋନାତେ ସିଙ୍ଗାର୍ ବିୟୁର୍ରେମେ। 12 ସୋନାରେୟାଃ ଉପୁନିୟାଠୁ ଗଅଃ ତେୟାଃ ଉପୁନିୟା କାଟା ନାଙ୍ଗ୍ ବାଇୟେମେ ଓଡ଼ୋଃ ବାରାନ୍ସାଃ ବାରିୟା ଲେକା ଗଅଃ ତେୟାଃ ତାଇନ୍କା। 13 ଓଡ଼ୋଃ ବାବୁଲ୍ ଦାରୁରେୟାଃ ବାରିୟା ଆଡା ବାଇୟେମେ ଓଡ଼ୋଃ ସୋନାତେ ହାରୁବେମେ। 14 ଓଡ଼ୋଃ ବାକାସ୍କେ ଗଅଃ ନାଗେନ୍ତେ ବାକାସ୍ରାଃ ବାରାନ୍ସାଃ ଗୋଲ୍ଗି ଲାଗାଅକାନ୍ ତେୟାଃରେଗି ଗଅଃତେୟାଃ ତୁସିଙ୍ଗ୍ତାମେ। 15 ଏନ୍ ଗଅଃତେୟାଃ ବାକାସ୍ରାଃ ଲାଗାଅକାନ୍ ଗୋଲ୍ ତେୟାଃରେ ତୁସିଙ୍ଗ୍ ତାଇନ୍କା ଏନାକେ ଆଲମ୍ ରାଡ଼ାଏୟା। 16 ଓଡ଼ୋଃ ଆଇଙ୍ଗ୍ ଆମ୍କେ ଆଚୁକାନ୍ ଅକ ଅନଲ୍ ଏମାମେୟାଇଙ୍ଗ୍ ଏନାକେ ବାକାସ୍ରେ ଦହେମେ।
17 "ଆମ୍ ଫାର୍ଚି ସୋନାରାଃ ପାପ୍ ଛାମା ହାରୁବ୍ ବାଇୟେମେ ଏନାରାଃ ଜିଲିଙ୍ଗ୍ ବାର୍ ମୁକା ମିଦ୍ ବିତା ଓଡ଼ୋଃ ଚାକାର୍ ମିଦ୍ ମୁକା ମିଦ୍ ବିତା ତାଇନ୍କା। 18 ଆମ୍ ସୋନାରାଃ ବାରିଆ କିରୁବ୍ ବାଇକିନ୍ମେ, ଏନା ମାର୍ତୁଲ୍ଲଃ ଦାଲ୍କେଦ୍ତେ ବାଇୟେମେ ଓଡ଼ୋଃ ପାପ୍ ହାରୁବ୍ରେୟାଃ ବାରାନ୍ସାଃରେ ଦହକିନ୍ମେ। 19 ମିଆଁଦ୍ କିରୁବ୍କେ ନେ ଟୁଣ୍ଡୁରେ ଓଡ଼ୋଃ ଏଟାଃ କିରୁବ୍କେ ହାନ୍ ଟୁଣ୍ଡୁରେ ଦହକିନ୍ମେ, ବାରାନ୍ କିରୁବ୍କିନ୍କେ ପାପ୍ ହାରୁବ୍ରେୟାଃ ବାରାନ୍ସାଃରେ ଦହକିନ୍ମେ। 20 ଓଡ଼ୋଃ କିରୁବ୍କିନାଃ ଆପ୍ରବ୍ ଚେତାନ୍ କେଦ୍ତେ ପାପ୍ ହାରୁବ୍ରେ ତାଇନ୍କା, କିରୁବ୍କିନାଃ ମେଦ୍ ମୁହାଡ଼୍ ପାପ୍ ହାରୁବ୍ସାଃରେ ତାଇନ୍କା। 21 ଆମ୍ ନିୟାମ୍ ବାକାସ୍ ଚେତାନ୍ରେ ପାପ୍ ହାରୁବ୍ ଦହେମେ ଓଡ଼ୋଃ ଆମ୍କେ ଆଚୁକାନ୍ ଅକ ନିୟାମ୍ ଅନଲ୍ ଏମାମେୟାଇଙ୍ଗ୍ ଏନା, ଏନ୍ ନିୟାମ୍ ବାକାସ୍ ଭିତାର୍ରେ ଦହେମେ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)