ହରାସେନ୍‌ପୁଥି 31

ବତ୍ସଲେଲ୍‌ ଓଡ଼ୋଃ ଅହଲିୟାବ୍‌ରାଃ ବାହାରମ୍‌

1 ଓଡ଼ୋଃ ପ୍ରାଭୁ ମୁଶାକେ କାଜିକିୟା, 2 "ନେଲେମେ ଆଇଙ୍ଗ୍‌ ଉରିରାଃ ହନ୍ତେକଡ଼ା ବାସ୍‌ଲେଲ୍‌କେ ସାଲାକିୟାଇଙ୍ଗ୍‌, ଇନିଃ ଯିହୁଦା କିଲିରେନ୍ ହୁର୍‌ରାଃ ଜାଇହନ୍ ତାନିଃ, 3 ଓଡ଼ୋଃ ଇନିଃକେ ପାର୍‌ମେଶ୍ୱାର୍‌ଆଃ ଆତ୍ମାତେ ପେରେଃ‌କିତେ‌ ସେଣାଁ ଓଡ଼ୋଃ ସାରିଉରୁମ୍ ପେଡ଼େଃ ଓଡ଼ୋଃ କିଲିମିଲି କାମିରେୟାଃ ପେଡ଼େଃ ଏମାଇୟା। 4 ଓଡ଼ୋଃ ଇନିଃ ସୋନା, ରୁପା ଓଡ଼ୋଃ ପିତ୍ତାଲ୍‌ରେୟାଃ‌ କାମି ସେଣାଁତେ କାମିୟା, 5 ଇନିଃ ଗନଙ୍ଗ୍‌ଆଁନ୍‌ ଦିରି ଓଡ଼ୋଃ ସବେନ୍ ଦାରୁ‌ରେ ଖୋଦାରାଃ କାମି କାମିୟା।