Yaa Latuo Mmle Baabla Ni Asaa Ofoto Ɔsɛfɛ
17 Ninfɛ di SAATE nwu latɔkɔ Mose alɛ, 18 "Yɔ lɛbɔɔsaa fabla abɔɔsaa ɔsɛfɛ ku abɔɔsaa lɛsɔse nɔɔ babatoofoto ni asaa. Yɔ Fase di Lɛkpaayo le Mansi ni ku oleɔta akyikye ntɛɛ, faakpete ntu kaamɛ. 19 Alɛ Aron ku babisuɔtɔbi nɔɔ katofoto nnɛɛ ku nkpaa lɛma ku ntu nwu nkpo. 20 Obe lele boobuo Lɛkpaayo le Mansi ni kamɛ, baafoto suoto, mmle okle manaakpi nii. Nse boofe kafɔɔ oleɔta akyikye katũ alɛ, bɔɔlaata asaaɔta beefiɛ ni ku ɔtɔ manta SAATE nwu yi, 21 dikpenii, beefoto nnɛɛ ku nkpaa lɛma mmle okle manaakpi nii. Nle mmle dile ɔsaabla wɔ nimate dinaa ni kaloo kunta ni Aron ku banantii nɔɔ ku ana ya nikɔwa ni."