Gênesis 16

ಹಾಗರಳ ವರಿ ಇಸ್ಮಾಯಿಲ

1 ಸಾರಳ ಅಬ್ರಾಮನಿ ಬೈಕೊ. ತಿನೆ ಬಚ್ಚಾನ್ಹೊತಾ. ಸಾರಳನೆ ಇಜಿಪ್ಟನಿ ಯಕ್ಕ ಸೆವಕ ವ್ಹತ್ತಿ. ತಿನು ನಾಮ ಹಾಗರಳ. 2 ಸಾರಳ ಅಬ್ರಾಮನೆ ಯಹೊವಾ ಮನೆ ಬಚ್ಚಾ ಪಡದಾನೊ ಅವಕಾಶ ದಿದ್ಯೊನತ್ತಿ.ತಿನಾಹುತಿ ಮಾರಿ ಸೆವಕ ಥಯಲ ಹಾಗರಳ ಕನ ಜಾ ತಿನಾಮಾ ಹುಟ್ಟಲ ಬಚ್ಚಾನೆ ಮಾರು ಬಚ್ಚು಼ ವ್ಹೈಕೈನ ಸ್ವಿಕಾರಕರುಸ'' ಕೈನ ಕ.ಅಬ್ರಾಮ ತಿನಿ ಬೈಕೊ ಥಯಲ ಸಾರಳನೆ ವಿಧೆಯ ಥಯೊ. 3 ಅಬ್ರಾಮ ಕಾನಾನೆ ಐನ ದಕ್ಹ ವರಕ್ಹ ಥಯಲ್ಪರ ಸಾರಳ ತಿನೊ ಮಾಟಿ ಥಯಲ ಅಬ್ರಾಮನೆ ಹಾಗರಳನೆ ದಿದಿ.ಹಾಗರಳ ತೆ ಇಜಿಪ್ಟನಿ ಸೆವಕಿ ವ್ಹತ್ತಿ. 4 ಹಾಗರಳ ಅಬ್ರಾಮಕ್ಹು ಪೆಟೆ ರ‍್ಹತಾಮಾ ತಿನಿ ಮಾಲಕನಿ ಥಯಲ ಸಾರಳನೆ ಮೊಜಿಸ.. 5 ತೆಳಾಮ ಸಾರಳ ಅಬ್ರಾಮನೆ ಮಾರಾ ಸಂಕಟನೆ ತುಜ ಕಾರಣಾ ವ್ಹೈ, ಮಿ ತಿನೆ ತುನೆ ದಿದಿತಿ. ಹಮ್ನಾ ತೆ ಪೆಟೆ ಛೆ ವರಿ ಮನೆ ಲಾಸ್ಟೆಮೊಜಿಸ.ಯಹೊವಾ ಮನೆ ತುನೆ ನ್ಯಾಯಾ ಕರಾಂದೆ ಕೈನ ಕದ್ಯೊ. 6 ತೆಳಾಮಾ ಅಬ್ರಾಮ ಸಾರಳನೆ ತು ಹಾಗರಳ ಮಾಲಕನಿ.ತು ತೆನೆ ಸುಬಿ ಚಾ಼ಯೆ ಥಯಲ ಕರಸಕ್ಸಿ'’ ಕೈನ ಕದ್ಯೊ. ತಿನಾಹುತಿ ಸಾರಳ ಹಾಗರಳನೆ. ತೆಳಾಮಾ ಹಾಗರಳ ನ್ಹಾಟಿನ ಗೈ. 7 ಕ್ಹುದಾನೊ ದುತ ಹಾಗರಳನೆ ಉಸುಕ ಗಾಮ ಒರತೆ ಯಕ್ಕನಾ ಕ್ಹಾಮೊ ದೆಕ್ಯೊ. ತೆ ಒರತೆ ಶುರಿ ಗಾಮೆ ಜಾವಾನಾ ವಾಟಕನ ವ್ಹತ್ತೊ. 8 ದೆವದುತ ತೆನೆ ಹಾಗರ ತು ಸಾರಳನೆ ಸೆವಕಿ ರೈತಬಿ ಯ್ಹಾ ಕಾ ಛೆpppppp? ತು ಕಿಜಾ ಚಾಲಿಸ ?ಕೈನ ಪುಚ್ಯೊ. ಮಿ ಮಾರಿ ಯಜಮಾನಿ ಥಯಲ ಸಾರಳಕಂತಿ ನ್ಹಾಟಿನ ಚಾಲಿಸ ಕೈನ ಕದಿ. 9 ತೆ ವಾತೆ ಯಹೊವಾ ತು ತಾರಾ ಮಾಲಕಕನ ಪ್ಹರಿನ ಗೈನ ತಿನೆ ಅಧಿನ ಥೈನ ಚಾ಼ಲ. 10 ಯಕ್ಲುಜ಼ ನೈಸೊ ಯಹೊವಾನು ದುತ ತಿನೆ ತುನೆ ಘನ್ನಾ ಬಚ್ಚಾ಼ ತಿಮ ಕರುಸ ತಾರು ಸಂತಾನನೆ ಹಿಸಾಬಾವಾಚಿ ಕರುಸ.ಕದ್ಯೊ. 11 ಯಹೊವಾನು ದುತ ತಿನೆ ತು ಪೆಟೆ ಛೆ ಪಟ್ಟೊ ಹುಟ್ಟಸ ಯಹೊವಾ ತಾರು ತ್ರಾಸನು ಅವಾಜ಼ ಐಕಲಹುತಿ ತೆ ಪಟ್ಟಾನು ನಾಮ ಇಸ್ಮಾಯಿಲ ಕೈನ ನಾಮ ಮ್ಹೆಲು. 12 ತೆ ಮನಕ್ಹ ರಾನ್ಮಾನು ಗದ್ಡಾ ನಿಂಗತ ರ‍್ಹವಸ. ತೆ ಕ್ಹಾರಾವೊಪರ ಹತ್ತ ಉಚಾವಸ. ತಿನಾನಿಂಗತಜ಼಼ ತಿಪರ ಮನಕ್ಹೊ ಹತ್ತ ಉಚಾವಸ.ತಿನಾ ಭಾಯೊನಾ ವಿರುದ್ದ ಥೈನ ರ‍್ಹವಸ. ಕೈನ ಗೈಪಡ್ಯೊ. 13 ತೆ ಥಯಲ್ಪರ ತೆ ತಿನಾ ಕ್ಹಾತೆ ಬೊಲಲ ಯಹೊವಾನೆ ತು ಮನ ಎದೆಕಾನೊ ದೆಕಾನೊ ಕ್ಹುದಾ ವ್ಹೈ. ಕೈನ ನಾಮ ಮ್ಹೆಲಿ ಕಾ ಕದ್ಯಾಮ ಮನೆ ದೆಕಾಲೊ ನ್ಹಾಜ಼ ದೆಕಾಲಿ ಥೈ ಕೈಲಿದಿ 14 ತಿನಾ ಹುತಿ ತ್ಯಾ ರ‍್ಹಯಲ ಇರನೆ ಬೆರ ಲಹೈರೊಯಿ ಕೈನ ನಾಮ ಪಡ್ಯು.ತೆ ಕಾದೆಶಿನೆ ಬೆರೆದನೆ ಮಳಲ ವಚ್ಮಾ಼ ಛೆ. 15 ಹಾಗರಳ ಅಬ್ರಾಮ ಕ್ಹು ಯಕ್ಕ ಪಟ್ಟು ಜ಼ನ್ನಿ. ಅಬ್ರಾಮ ತಿನು ನಾಮ ಇಸ್ಮಾಯಿಲ ಕೈನ ಮ್ಹೆಲ್ಯೊ. 16 ಹಾಗರಳ ಇಸ್ಮಾಯಿಲನೆ ಜನತಾಮಾ ಅಬ್ರಾಮನೆ 86 ವರಕ್ಹನು ವ್ಹತೊ.