1 ಅಮ್ಮ ಜಿಮಿನ ಹಬಾಳ ತಿಮಾ ರ‍್ಹಯಲ ಕ್ಹಾರು ಸೃಷ್ಟಿ ಥಯು. 2 ಕ್ಹುದಾ ತಿನು ಸೃಷ್ಟಿನು ಕಾಮ ಕ್ಹರೈಲಿನ ಕ್ಹಾತ್ವಾ ದಿನ್ಮಾ ಅರಾಮ ಕರ‍್ಯೊ. 3 ಕ್ಹುದಾ ತಿನು ಸೃಷ್ಟಿನು ಕಾಮ ಕ್ಹರೈನ ತೆ ಕ್ಹಾತ್ವಾ ದಿನ್ನೆ ಅರಾಮ ಕರಲಕ್ಹು ತೆ ದಿನ್ನನೆ ಪರಿಶುದ್ದ ದಿನ್ನ ಥಾವಾದೆ ಕೈನ ಆರ್ಶಿವಾದ ಕರ‍್ಯೊ. 4 ಎಜ಼ ಜಿಮಿನ ಹಬಾಳ ಕರಲ ಚರಿತ್ರೆ ವ್ಹೈ, ಯಹೊವಾ ಕ್ಹುದಾ ಜಿಮಿನ ಹಬಾಳ ಕರಲಪರ,

5 ತೆಳಾಮಾ ಜಿಮಿನ್ಪರ ಕಯಾಜ಼ ಝಾಡೊ ಜಿಮಿನಪರ ನ್ಹೊತಾ, ಕಯಾಜ಼ ತರಾನಾ ಝಾಡೊ ನ್ಹೊತಾ. ಕಾಕದ್ಯಾಮ ಯಹೊವಾ ಕ್ಹುದಾ ಜಿಮಿನಪರ ಪಾನಿ ಲಾಯೊ ನ್ಹೊತೊ; ಜಿಮಿನನು ಕಾಮ ಕರಾನಾಹುತಿ ಮನಕ್ಹ ನ್ಹೊತೊ. 6 ತೆನೈಸೊ ಜಿಮಿನಮಾತಿ ಶಲಿ ಐನ ಕ್ಹಾರಿ ಜಿಮಿನ ಪರ ಭಿಂಜಾ಼ವಾಡಿತಿ. 7 ತೆನೈಸೊ ಯಹೊವಾ ಕ್ಹುದಾ ಜಿಮಿನ್ನಿ ಮಾತಿ ಲಿನ ಮನಕ್ಹನೆ ಸೃಷ್ಟಿ ಕರಿನ ತಿನಾ ನಾಕಮ್ಮಾ ಜ಼ಲಮನೊ ವಾರೊ ಫುಕ್ಯೊ; ತೆಳಾಮಾ ಜಿವ್ತೊ ಮನಕ್ಹ ಥಯೊ. 8 ತೆನೈಸೊ ಯಹೊವಾ ಕ್ಹುದಾ ಪುರ್ವ ದಿಕ್ಮಾ ರ‍್ಹಯಲ ಎದೆನ ಸಿಮೆಮಾ ಯಕ್ಕ ಮಳೊ ಕರಿನ ತೆ ಕರಲ ಮನಕ್ಹನೆ ತ್ಯಾ ಮ್ಹೆಲ್ಯೊ. 9 ವರಿ ಯಹೊವಾ ಕ್ಹುದಾ ದೆಕಾನೆ ಚ಼ೊಕು ವರಿ ಖಾವಾನೆ ಸ್ವಾದ ರ‍್ಹಯಲ ಕ್ಹಾರಾ ತರಾನಾ ಝಾಡೊ ತೆ ಜಿಮಿನ್ಮಾ ಹುಟ್ಟಾನಾನಿಂಗತ ಕರ‍್ಯೊ. ತೆನೈಸೊ ತೆ ಮಳಾನಾ ವಚ್ಮಾ಼ ಜ಼ಲಮ ದಿವಾನು ಝಾಡ ವರಿ ಚ಼ೊಕು ಕೆಟ್ಟ ಅರು ಹುಟ್ಸಾನು ಜ಼ಾಡ ಬೆಳಸಾಯೊ. 10 ಎದೆನ ಮಳಾಮಾ ಯಕ್ಕ ನದಿ ಹುಟ್ಟಿನ ತೆ ಮಳಾನೆ ಭಿಂಜ಼ಾಯೆ ನಿಂಗತ ಕರ‍್ಯೊ. ತೆ ತ್ಯಾ ಲಾಸ್ಟಮಾ ಫುಟಿನ ಚಾರ ಭಾಗ ಥಯುತು. 11 ಯಕ್ವಾ ನದಿನು ನಾಮ ಪಿಶೊನ ವ್ಹೈ; ತೆ ಕ್ಹೊನು ಮಳಾನು ಹವಿಲ ದೆಶನೆ ಕ್ಹಾರು ಸುತ್ತತುತು. 12 ತೆ ದೆಶನು ಕ್ಹೊನು ಘನು ಖಾಸ ವ್ಹೈ ತ್ಯಾ ಬದಲೊಖನ ಧುಪ ಗೊಮೆದಿಕ ರತ್ನ ಮಳಸ. 13 ಬೆವಾ ನದಿನು ನಾಮ ಗಿಹೊನ; ತೆ ಕುಷ ದೆಶನೆ ಸುತ್ತಸ. 14 ತನವಾ ನದಿನು ನಾಮ ಟೈಗ್ರಿಸ ವ್ಹೈ; ತೆ ಅಶ್ಯುರ ದೆಶನಾ ಪುರ್ವ ದಿಕ್ಕೆ ವೈನ ಜ಼ಾತುತು. ಚಾರವಾನು ಯುಫ್ರೆಟಿಸ ನದಿ ವ್ಹೈ. 15 ಯಹೊವಾ ಕ್ಹುದಾ ತೆ ಮನಕ್ಹನೆ ಬಲೈಲಿನ ಎದೆನ ಮಳಾನು ಕಾಮ ಕರಾನಾಹುತಿ ಕೈದಾನಾಹುತಿ ತ್ಯಾ ಮ್ಹೆಲ್ಯೊ. 16 ತೆನೈಸೊ ಯಹೊವಾ ಕ್ಹುದಾ ತೆ ಮನಕ್ಹನೆ ತು ಮಳಾಮಾ ರ‍್ಹಯೆಲ ಕ್ಹಾರಾ ಝಾಡೊನಾ ಫಲ ಲೆಕ್ಕೊ ವಾಚಿ ಕ್ಹಾ ಸಕಶಿ; 17 ತೆನೈಸೊ ಚೊಕು ವರಿ ಕೆಟ್ಟ ಅರು ಹುಟ್ಸಾನು ಝಾಡನು ಫಲ ಕ್ಹೌ ನೈ ಕೈನ ಕದ್ಯೊ; ಕ್ಹಾದಲ ದಿನ್ನೆ ಮರಿ ಜ಼ಾಶಿ ಕದ್ಯೊ. 18 ವರಿ ಯಹೊವಾ ಕ್ಹುದಾ ಮನಕ್ಹ ಯಕ್ಲೊ ರ‍್ಹವಾನು ಚೊಕು ನ್ಹೈವೈ; ತಿನೆ ವ್ಹಂದಾಣಿಕೆ ಥವಾನು ಸೃಷ್ಟಿ ಕರುಸ ಕೈನ ಕದ್ಯೊ. 19 ತೆಳಾಮಾ ತೆ ಕ್ಹಾರಾ ಜಾನ್ವರೊ ಹಬಾಳನಾ ಪಕ್ಷಿಯೊನೆ ಮಾತಿಕ್ಹು ಕರಲ ತೆ ಕ್ಹಾರಾವೊನೆ ತೆ ಮನಕ್ಹ ಸು ಸು ನಾಮ ಮ್ಹೆಲಸ ಕೈನ ತಿನಾ ಕ್ಹಾಮೊ ಲೈನ ಹುಬ್ರಾಡ್ಯೊ ಮನಕ್ಹ ಯಕ್ಕ ಯಕ್ಕ ಜಾನ್ವರನೆ ಸು ಸು ನಾಮ ಮ್ಹೆಲ್ಯೊ ತೆಜ಼ ನಾಮ ಥಯು. 20 ಅಮ್ಮ ತೆ ಮನಕ್ಹ ಕ್ಹಾರಾ ಪಶುವೊನೆ, ಹಬಾಳನಾ ಪಕ್ಷಿಯೊನೆ, ಜಂಗಲನಾ ಜಾನ್ವರೊನೆ ನಾಮ ಮ್ಹೆಲ್ಯೊ. ತೆನೈಸೊ ತೆ ಮನಕ್ಹನೆ ಕರೆಕ್ಟ ವ್ಹಂದಾನಿ ಸಾತಿದಾರ ಮಳ್ಯು ನೈ. 21 ಇಮ್ಮ ರ‍್ಹತಾಮಾ ಯಹೊವಾ ಕ್ಹುದಾ ತೆ ಮನಕ್ಹನೆ ಘನ್ನಿ ನಿಂದರ ದಿನ ತಿನಾ ಪಾಕ್ಹಳಿನು ಹಡ್ಕು ಲಿನ ತೆ ಜ಼ಗಾನೆ ಮಾಕ್ಹಕ್ಹು ಝಾಕ್ಯೊ. 22 ತೆ ಮನಕ್ಹಕ್ಹು ಲಿದಲ ಹಡ್ಕಾಕ್ಹು ಬಾಕಡಿನೆ ಕರಿನ ತಿನಾ ಕ್ಹಾಮೊ ಲಾಯೊ. 23 ತೆ ತಿನೆ ದೆಕಿನ ಹಮ್ನಾ ಕರೆಟ್ಟ ಶೆಂ; ತೆ ಮಾರಾ ಹಡ್ಕಾಮಾತು ಆಯೆಲ ಹಡ್ಕು ವ್ಹೈ ಮಾರಾ ಮಾಕ್ಹ ಮಾತು ಆಯೆಲ ಮಾಕ್ಹ ಥೈಸ ತೆ ಮನಕ್ಹಕ್ಹು ಆಯಲಹುತಿ ಬಾಕಡಿ ಕವೈಲಿವಸ ಕದ್ಯೊ. 24 ತೆ ಕಾರಣ ಹುತಿ ಮನಕ್ಹ ತಿನಾ ಮಾ ಬಾಪನೆ ಛೊಡಿನ ತಿನಿ ಬೈಕೊನೆ ಮಳೈಲಿವಸ; ತ್ಯುನೆ ಭಂಬಿ ಜ಼ನಾ ಯಕ್ಕಜ಼ ಅಂಗ ಥಾವಸ. 25 ತೆ ಮನಕ್ಹ ವರಿ ತಿನಿ ಬೈಕೊ ಭೊಂಗಳಾ ರ‍್ಹಯಾತಬಿ ಸರಮ್ಯಾ ನೈ.