ಆದಿಕಾಂಡ 8

6 ಚಾಳಕ್ಹ ದಿನ ಥಯಲ್ಪರ ನೊಹಾ ಹಡಗಾನಿ ಖಿಡಕಿ ಕಾಡಿನ ದೆಕ್ಯೊ. 7 ನೊಹಾ ಯಕ್ಕ ಕೌಳಾನೆ ಭಾರೊ ಛೊಡ್ಯೊ ಜಿಮಿನ್ಪರ ಪಾನಿ ರ‍್ಹಯಲ ವರಾಯೆಲಕ್ಕಾ ತೆ ಕೌಳೊ ಆವಾ ಜಾ಼ವಾನು ಕರಾಡುತು. 8 ತಿನಾಹುತಿ ಜಿಮಿನಪರ ರ‍್ಹಯಲ ಪಾನಿ ಕಮ್ಮ ಥಯು ಸು ನೈ ಕೈನ ದೆಕಾನು ಹುತಿ ನೊಹಾ ಯಕ್ಕ ಕ್ಹಬುತರನೆ ಭಾರೊ ಛೊಡ್ಯೊ. 9 ತೆನೈಸೊ ಪಾನಿ ಹಜು಼ನ ಕಮ್ಮ ಥಯು ನ್ಹೊತು, ತಿನಾಹುತಿ ಕ್ಹಬುತರನೆ ಉತರಾನೆ ಕಿಜಾ಼ಜ಼ ಜ಼ಗಾ ಮಳಿ ನೈ. ತಿನಾಹುತಿ ತೆ ಕ್ಹಬುತರ ಉಡತು ಹಡಗಾಮಾ ಐಯು ವರಿ ನೊಹಾ ತಿನೆ ಹತ್ತ್ ಅಗೊ ಕರಿನ ತಿನೆ ಧರಿನ ಹಡಗಾಮಾ ಛೊಡಸ. 10 ಕ್ಹಾತ ದಿನ ಥಯಲ್ಪರ ನೊಹಾ ವರಿ ಕ್ಹಬುತರನೆ ಭಾರೊ ಛೊಡ್ಯೊ. 11 ತೆ ದಿನ ಕ್ಹಾಂಜೆ ತೆ ಕ್ಹಬುತರ ನೊಹಾಕನ ಫರಿನ ಐಯು ತಿನಾ ಚೊಂಚಮಾ ಆಲಿವ ಝಾಡುನು ಪಾನ ವ್ಹತ್ತು ತೆ ದೆಕಿನ ನೊಹಾ ಜಿಮಿನ ವರೈಸ ಕೈನ ಕಳಿಲಿದ್ಯೊ. 12 ವರಿ ಕ್ಹಾತ ದಿನ ಥಯಲ್ಪರ ನೊಹಾ ವರಿ ಕ್ಹಬುತರನೆ ಛೊಡ್ಯೊ ಮಾತ್ರ ಆ ಟೈಮಾ ತೆ ಕ್ಹಬುತರ ವಾಪಸ ಐಯುಜ ನೈ.