Jesu waakanjila mu Jelusalema a bulemu
12 Ono buzuba bwakachilila mbunga ya bantu yakalingayaza ku pobwe lya Pasika bakanva ati Jesu ulazaku Jelusalema. 13 Bakabweza misaampi yamalala akuunka kumuchinzha, kabaya koolobezha ati,
"Hossana!"
"Walelekwa uyo uza mu liina lya Mwami!
Walelekwa Mwami waba Izilaili!"
14 Ono Jesu nakajana mwana mbongolo wakakkala alinguwe, bweenka mbuli mbukulembelwe ati.
15 "Utatiji o munzhi wa Ziyoni, kolanga
Mwami wako ulaza,
katantile a mwana ambongolo."
16 Kutaanguna bashichiiya bakwe taaku nibakazhinva izhi zhoonse, kushikila Jesu nakapegwa bulemu bakayeeya ati izhi zhintu zhakalikulembelwe alinguwe, alimwi akwaamba zhintu zhakachitilwa nguwe.
17 Ono mbunga yakalinga anguwe chiindi nakaita Lazalo kuzwa mu chuumbwe alimwi akumubusha kuzwa kubafu bakazumanana kumwaya makani. 18 Nkambo kachitondezho ichi nchibakanva nchakachita, bantu baanji bakaunka mukumuswaanganya. 19 Ono ba Faliisi bakatalika kwaamba kuli omwi a omwi, "Amubone, ichi taaku nkuchitekututola. Amulange nyika yoonse mbuyamuchilila!"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)