3 Niꞌthán Ana̱ꞌlóꞌ: «Ga̱ri̱gá agu». Jngó niríga̱ agu rí nambiꞌi.
6 A̱ꞌkhue̱n niꞌthán Ana̱ꞌlóꞌ: «Ga̱ri̱gá gaꞌchú a̱pha̱ ná ti̱kua̱pho̱o̱ iya, jngó ma̱wiꞌtháa iya».
9 A̱ꞌkhue̱n niꞌthán Ana̱ꞌlóꞌ: «A̱gu̱waa̱ iya. I̱mbóó gáꞌni̱i̱ rí kri̱ga̱ ná agoo mikhu. Ga̱kujmaa rí mixoo». Jamí xkuaꞌnii máꞌ nimbánuu.
11 A̱ꞌkhue̱n niꞌthán Ana̱ꞌlóꞌ: «Gaxná inuu ju̱ba̱ꞌ iná ga̱jma̱á ixe̱: iná rí naxná tsíga, jamí ixe̱ rí naxná xndúu jamí tsígoo. Mbámbá inii gáríga̱». Jamí xkuaꞌnii nimbánuu.
14 A̱ꞌkhue̱n niꞌthán Ana̱ꞌlóꞌ: «Ga̱ri̱gá ná mikhu agu rí ma̱mbiꞌi-ti̱ga̱, jngó ma̱goo ma̱ꞌne wájíí-mina̱ꞌ mbiꞌi ga̱jma̱á mbroꞌon. Ikhaa jngó ma̱ꞌga-rakujmaa go̱nꞌ rí ruꞌphu, go̱nꞌ rí ruꞌwa, xúꞌkhue̱n máꞌ mbiꞌi ga̱jma̱á tsigu.
20 A̱ꞌkhue̱n niꞌthán Ana̱ꞌlóꞌ: «Ga̱mi̱diu̱ún xúgíin xu̱kú iya, jamí xúꞌkhue̱n máꞌ ga̱mi̱diu̱ún ño̱ꞌo̱n tsí magóó inuu gíñá ná mikhu a̱pha̱».
24 A̱ꞌkhue̱n niꞌthán Ana̱ꞌlóꞌ: «A̱ga̱mi̱diúún ná inuu ju̱ba̱ꞌ mbámbá inii xu̱kú: xu̱kú kiraꞌdiin, xu̱kú-xáná, jamí xu̱kú tsí nu̱xma̱tha-mi̱jna̱». Jamí xkuaꞌnii máꞌ nimbánuu.
26 Xúꞌkhue̱n máꞌ niꞌthán Ana̱ꞌlóꞌ: «Gu̱ꞌni̱i̱lóꞌ xa̱bo̱ rá, mbá xóo ikháánlóꞌ, jamí xóo jaꞌñáálóꞌ, ikhaa jngó muthan-ñajúu̱n i̱gi̱ꞌ tsí júwa̱ꞌ ná iya a̱pha̱, jamí ño̱ꞌo̱n tsí nagóó inuu gíñá. Xúꞌkhue̱n máꞌ muthan-ñajúu̱n xu̱kú kiraꞌdiin, xu̱kú-xáná, xúꞌkhue̱n máꞌ xúgíin xu̱kú tsí nu̱xma̱tha-mi̱jna̱ ná inuu ju̱ba̱ꞌ».