Lilaala li linene
1 Ni mu buuna, mumosi ŋa hati li bapofi batsambu ba baaba baakaanga bikoombe tsambu ayaleele me: «Yaanga, na me tsa mweese we tsundusu yi yubwila lilaala li linene, liina li laatsahala ŋa yulu banzali ba banene. 2 Batumi baa toto baakoti mu ndyatili yi bulaala na nde. Na baatu ba ŋa toto baalaangi malamu ma bulaala bwa nde17.2 Esa 23.17; Yel 51.7,13.»
3 Livupu laakaangi me na pofi abiti me hu kumu a nzala. Huuna me amoni mukaasu mumosi wu atsahala ŋa yulu ibulu imosi hi ibeenge, hi hyaba hyaluula mu manduhi ma utuha Nzambi. Ibulu mo hyaba na mitswe tsambu na matsyembo kuumi. 4 Mukaasu aba alwata bikutu bi bibeenge bya talu. Nde aba alwata kaka bilengele bi bilahi bya mu wolo, bya mu mamanya ma talu na bya mu bilabu. Nde aba akaanga ŋa kaka, mbungu mosi ya mu wolo, yi yaaba yaaluula mu mavaanga ma nde ma nzododo na mu mbiili a nde yi mbi.