Nzabisili 7

Nzambi miisa iliimbu mu basalili ba nde

1 Humbisa a mambu mo maana, me amoni bapofi bana baateleme mu matsoso mamana ma toto. Bo baaba baakaanga bifula bi bina bya toto, mana ifula tso imosi hivelefula ŋa toto, tso mu mubu, tso ŋa yulu miti. 2 Na me amoni pofi mukima, wu akamata hu tsyelo yi taangu yibaapala, na wu aba akaanga isiha hi Nzambi a moonyi ubaakuma biliimbu. Nde afulihi mu mifudi huli bapofi babana ba baayaki lituma li ubiiyasa toto na mubu. 3 «A libiiyasa toto ve, tso mubu, tso miti, tswamina bisu likuma iliimbu mu biinzi bi basalili ba Nzambi a bisu✝7.3 Ezk 9.4-6.» 4 Na baayabisi me litangu la ba baasili iliimbu hya Nzambi: biveeve kama maku mana na bina bya baatu (144 000) hi bibandu byosi bya baana ba Isereli: 5 biveeve kuumi na byole (12 000) bi ibaandu hya Yuda, biveeve kuumi na byole (12 000) bi ibaandu hya Rubeni, biveeve kuumi na byole (12 000) bi ibaandu hya Ngade, 6 biveeve kuumi na byole (12 000) bi ibaandu hya Aseeri, biveeve kuumi na byole (12 000) bi ibaandu hya Nefetali, biveeve kuumi na byole (12 000) bi ibaandu hya Manase, 7 biveeve kuumi na byole (12 000) bi ibaandu hya Simeyoni, biveeve kuumi na byole (12 000) bi ibaandu hya Leevi, biveeve kuumi na byole (12 000) bi ibaandu hya Isakaari, 8 biveeve kuumi na byole (12 000) bi ibaandu hya Zabuloni, biveeve kuumi na byole (12 000) bi ibaandu hya Yosefi, biveeve kuumi na byole (12 000) bi ibaandu hya Benyamini.