1 Eelyo Jesu wakayinda mumuunzi waJerikko. 2 Kwakali mwaalumi izina lyakwe wakali kutegwa Zekkiyasi, wakali sikutelesya mupati, alimwi kalimuvubi. 3 Mpawo wakayanda kubona Jesu mbabede, wakakachilwa nkaambo kankamu, alimwi wakali mufwiifwi muchiimo. 4 Ambubo wakachijaana kunembo wakutanta musamu wamukuyu wakali mumbali anzila kuti amubone, nkaambo Jesu walikunoyinda kunzila eeyo. 5 Alimwi awo Jesu naakasika abusena mpakabede, wakalanga mujulu mumusamu wamubona wamwaambila wati, "Zekkiyasi, kufwambaana kuseluka; nkaambo sunu ndiyokkala muŋanda yako."

6 Ambubo wakafwambaana kuseluka, mpawo wakamutambula mulukondo. 7 Alimwi bantu boonse nibakabona eechi bakanyontooka bati, "Uyanda kuyooba mweenzu wasizibi."

8 Pesi Zekkiyasi wakanyampuka alimwi waambila Mwami wati, "Laanga, Mwami, chipanzi chabuvubi bwangu ndilapa kubachete; alimwi naakuti ndakabwezela umwi nichiba chimwi, ndiyobabwedezya zyinduulwidwe tune."

9 Alimwi Jesu wakati kulimbabo, "Sunu lufutuko lwasika muŋanda eeyi, nkaambo alakwe mwaalumi ooyu mwana waAbburahamu. 10 ‘Nkaambo Mwana aMuntu wakaza kukuyandula akufutula aabo basweekede."

11 Nibakachili kumvwa eezi zintu, wakayungizya akwaambuula chikozyanisyo, nkaambo wakali afwiifwi akuJerusalemu, mpawo bakali kuyeeya kuti bwami bwaLeza buleelede kuyubunwa mpawowawo. 12 Wakati, "Mwaalumi wachuuno chaajulujulu wakaya kunyika ilikule kuti akatambule chuuno chabwami, eelyo abole. 13 Aboobo wakayiita balanda bakwe balikkumi, mpawo wakabapa kkumi lyampondo, mpawo wabaambila wati, "Mubbindawuke amali eeyi mane ndikaboole.’ 14 Pesi bamuchisi eecho teebakali kumuyanda pe, mpawo bakatuma biminini kulinguwe kabalokwaamba kuti, ‘Tatuyandi mwaalumi ooyu kuti atweendelezye.’

15 Nakabutambuula bwami wakabola kumuunzi, eelyo wakalayilia balanda aabo, mbakalipede mali kuti bayitwe kulinguwe, kuchitila kuti azibe kuti bakajanaanzi mukubbindawuka kwabo. 16 Mutaanzi wakaza, wati, "Mwami, mpondo yako yakandipa kkumi lyampondo ajulu." 17 Mpawo wakamwaambila wati, "Wachita chibotu, yomulanda ululeme! Nkaambo wakasyomeka muzintu ziniini, uyooba mweendelezi wazisi zilikkumi.’ 18 Alimwi wabili wakaza, wati, "Mwami, impondo njwakandipa yakandipa kujana mpindu yampondo zilimusanu ajulu." 19 Alimwi wakaamba mbuli kumutanzi wati, "Uyooba mweendelezi wazisi zilimusanu." 20 Mpawo umwi wakaza lubo wati, "Mwami, laanga, njeyi mpondo yako, eeyo njindakabamba mumpiza; 21 Nkaambo ndakakuyoowa, nkaambo kakuti ulimwaalumi mukali; ubweza nchutakwe wakabika alimwi utebula mpuwatakabyala pe." 22 Wakati kulinguwe, "Ndiyookupa mulandu amajwi azwa kumulomo wako, yomulanda utaluleme! Wakalizi kuti ndili mwaalumi mukkali, utabwezi mputakwe mpundakabikka, alimwi utebula nzyatakalima? 23 Nkaamboonzi nuwatakabika mali yangu muŋanda yachiyobwedo, kukuboola kwangu nkandiyoojana mpindu kandijana yazyala?’ 24 Wakaambila aabo bakalimvwi aawo, kuti, ‘Amumunyanziye mali, mpawo mupe ooyo uli akkumi lyampondo.’ 25 Alimwi bakavwiila bati, ‘Mwami, ujisi ikkumi lyampondo kale!’ 26 Wakavwiila wati, "Ooyo ujisi, uyooyungizigwa; pesi kulooyo utajisi, nikuba eezyo nzyajisi uyoonyanzigwa. 27 ‘Pesi kulibasinkondoma, aabo batakayandide pe kuti ndibeendelezye, mubeete okuno, mpawo mubajaye kunembo lyangu.’ "

28 Mpawo naakamana kwaamba eechi, wakatunga kunembo, wakatansya kabaya kuJerusalemu. 29 Naakasika afwiifwi aBbetifeji akuBbetani, kuchilundu chitegwa Olivu, wakatuma basikwiiya bakwe babili, 30 Wakabaambila wati, "Kamuya kumuunzi oolya ngumulangide, mwakunjila muyoojana mwana mboŋolo ulaangidwe, utana belesegwa pe, mukamwangunune, mumweete okuno. 31 Alimwi naa muntu wabuzya kuti, ‘Mumwangununwidayi?’ Muyomwaambila kuti, ‘Mwami wamuyanda."

32 Mpawo aabo bakatumwa bakayinka, alimwi bakamujana mbuli mbwaakabalayilila. 33 Lino nibakali kwangununa mwana amboŋolo; bamunaayo bakabuzya bati, "Nkaamboonzi nimwangununa mwana amboŋolo?"

34 Bakamwaambila bati, "Mwami wayiyanda." 35 Mpawo bakamweeta kuli Jesu, alimwi bakayala midabba atala amwana amboŋolo, mpawo bamutansika Jesu ajulu. 36 Alimwi naakali kuyabweenda, bakali kuyabuyala midabba yabo munzila. 37 Mpawo naakasika afwiifwi amukunu waChilundu chama Olivu, inkamu yoonse yabasikwiiya bakatalika kubotelwa akulumbayizya Leza kabalo koompolola kabaamba milimu mipati njibakabona kalokuchita, 38 Kabalokuti, "Ulaachoolwe ooyo Mwami uza muzina lyaMwami! Aluumuno lube kujulu, alimwi bulemu kuli Sijulu lyaMajulu!"

39 Mpawo bamwi babaFarisi bakali akati kankamu eeyi bakamwaambila bati, "Muyiisi, kalalila basikwiiya bako."

40 Wakavwiila wati, "Ndamwaambila, kuti aba bawumuna, mabwe alatalika koompolala."

41 Alimwi naakaswena afwiifwi achisi chaJerusalemu nakachibona wakawusa wakachililila, 42 Wakati, "Nuwaziba nikuba mubuzuba obuno zintu zilaluumuno! Pesi lino zilisisidwe kumeso ako 43 Nkaambo mazuba ayoosika alindunywe awo basinkondonyokwe bayobikka muganu atala andinywe akumuzyungulukila, mpawo bakamusyanikizye kumabazu woonse, 44 Alimwi ndiyookulazika aansi anyika, mpawo bana bako aamwi anduwe, takukoyoochala bbwe nikuba limwi atala alimwi; nkaambo takukwe niwakaziba chindi chakuswayigwa."

45 Lino wakanjila mulubuwa lwaŋanda yaLeza, mpawo wakatalika kutanda aabo bakali kusambala, 46 Kalokubaambila kuti, "Kuli lembeedwe kuti, ‘iŋanda yangu iyooba ŋanda yakukomba’; pesi nywebo mwichita gobelo lyababbi."

47 Mazuba woonse wakali kuyiisya mulubuwa lwaŋanda yaLeza. Bapayizi bapati abayiisyi bamulawu abeendelezi babantu bakayanduula kuti bamujaye; 48 pesi bakabula kuti balamuchita biyeni, nkaambo bantu boonse bakali kuyanda kumuswiilizya.