Lukku 2

Mwana Mulombe Jesu Kalimulubuwa Lwaŋanda yaLeza

41 Lino bazyali bakwe bakali kwiinka kuJerusalemu minyaka yoonse kupobwe lyakwiindilila lyabaJuda. 42 Mpawo naakasisya minyaka ilikkumi ayibili, bakayinka kupobwe mbuli muchiyanza chabo. 43 Alimwi nilyakamana pobwe, aawo bazyali bakwe nibakali kuyabubweeda, mwana mulombe Jesu wakachaala musule muJerusalemu. Bazyali bakwe tebakaziziba pe. 44 Pesi bakali kuyeeya kuti balaamwi, bakeenda lweendo lwabuzuba bumwi. Mpawo bakamuyanduula koonse akati kababunyina abeenzunyina. 45 Nibakamubula, bakabweeda kuJerusalemu, kabamuyanduula. 46 Nikwakayinda mazuba aatatu bakamujana mulubuwa lwaŋanda yaLeza, kakkede akati kabayiisi, kali kubaswiilizya akubabuzya mibuzyo. 47 Mpawo boonse bakamumvwa bakagamba kukumvwisisisya kwakwe ansandulo zyakwe. 48 Alimwi nibakabona, bakagamba; mpawo banyina bakati kulinguwe, "Mwanaangu, nkaamboonzi niwatupenzya oobu? Laanga, wuso andime twalikukuyanduula loko."

49 Mpawo Jesu wakabuzya wati, "Nkaamboonzi nimundiyanduula? Tamuzi na kuti ndeleede kuba muŋanda yaTaata?" 50 Alimwi bazyali bakwe tebakaamvwisisisya pe nzyakali kwaamba kulimbabo.

51 Alimwi wakeenda aabo mpawo baya kuNazareti, alimwi wakalibombya kulimbabo; mpawo banyina bakabamba majwi woonse mumoyo wabo. 52 Alimwi Jesu wakakomena mubusongo amuchiimo amuchoolwe kuliLeza akubantu.