Kusunkwa KwaJesu
1 4:1. Mat 4:1-11; Mkk 1:12-13. Alimwi Jesu, kazwide nguzu zyaMuuya Usalala, wakabweeda kazwa Jorodani mpawo kaloku kuzulwidwa aMuuya Usalala munkanda 2 4:2. Det 9:9; 1 Bam 19:8.ooko nkwakakusunkwa aSatani kwamazuba alimakumi ane. Alimwi takukwe nchakalya pe mumazuba aayo; alimwi naakamana wakaba anzala.
3 Satani wakati kulinguwe, "Kuti kuli Mwana waLeza, layilila ibbwe eli kuti libe chinkwa."
4 4:4. Det 8:3. Alimwi Jesu wakamuvwiila wati, "Zililembedwe kuti, ‘Muntu takukwe nayoopona achinkwa luzutu pe.’ "
5 Mpawo Satani wakamutola kubusena buli atala, mpawo wamutondezya maami anyika yoonse muchiindi chiniini, 6 4:6. 1 Jn 5:19.mpawo Satani wakati kuli Jesu, "Ndiyookupa nguzu zyoonse eezi abulemu bwazyo; nkaambo zipedwe ndime, alimwi ndipa ooyo ngundiyanda. 7 Naakuti iwe, eelyo, wandikomba, zilaba zyako zyoonse."
8 4:8. Det 6:13. Mpawo Jesu wakamuvwiila wati,
"Kulilembedwe kuti, ‘Uyookomba Mwami Leza wako aliikke,
alubo ngweelede kubelekela.’ "
9 Alimwi wakamutola kuJerusalemu asonge yaŋanda yaLeza wamwaambila wati, "Kuti kuli Mwana aLeza liwaalile aansi kuzwa aawa; 10 4:10. Int 91:11-12.nkaambo kuli lembedwe kuti,
‘Leza uyoolayilila baangelo, kuti bakukwabilile,’
11 alimwi
‘Balakukaba amaboko aabo,
kuti utakawidi abbwe andyato zyako kuti ulichise.’ "
12 4:12. Det 6:16. Alimwi Jesu wakamuvwiila wati, "Kwaakambwa kuti, ‘Utasunki Mwami Leza wako.’ "
13 4:13. Luk 22:28. Mpawo Satani nakamana misunko yoonse, wakamusiya weenda mane kwachiindi cheelede.
Jesu Utalika Mulimu Wakwe muGalili
(Mateyu 4:12-17; Makko 1:14,15)