1 Anlɛ gɛtɛ be yo-yo itunu yɩɩ bɛnyalɛ fɔ n tɛ ba lɛ.

Kora wodu wʋʋ bɛnɩ baanɩ fɔ, be tiri Kore wobi Meselemiya, gɛtɛ è di Asafu bɛnana baanɩ ɛkɩ fɔ.

2 Meselemiya e wo bebi-teni gɛtɛ baayere n di,

Sekariya, gɛtɛ ɛwɔ n di ebi ɛndɩrɛ.

ɛnyɔɔfɛ n di Yediyayeli,

esiyeefɛ n di Sebadiya,

ɛnaafɛ n di Yatiniyeli,

3 etonfɛ n di Elam,

ekooronfɛ n di Yehohanan,

ɛkwarankɩfɛ n di Elihonayi.

4 Obedi-Edom mɔ e wo bebi-teni gɛtɛ baayere n di,

Semaya, gɛtɛ ɛwɔ n di ebi ɛndɩrɛ.

ɛnyɔɔfɛ n di Yehosabadi,

esiyeefɛ n di Yowa,

ɛnaafɛ n di Sakari,

etonfɛ n di Netaneli,

5 ekooronfɛ n di Amiyeli,

ɛkwarankɩfɛ n di Isaka,

ɛnɩyɛfɛ n di Peletayi.

Yema Wurubwarɛ e hira Obedi-Edom.

6 Gɛ Obedi-Edom wobi Semaya mɔ e wo bebi-tenibi gɛtɛ bɛ mɛ baakpaara yɩɩ bɛndɩrɛ, yema bɛ mɛ bɛnɩ gɛtɛ bɛɛ ka koro. 7 Semaya bebi-teni n di Otini, ma Raphayeli, ma Obedi, ma Elisabadi. Bɔɔ bɛfʋrɩ Elihu, ma Semakiya mɔ bè di bɛnɩ gɛtɛ bɛɛ ka koro. 8 Gɛlɛ gɩɩ bɛnɩ nyabɛ powu bè di gɛ Obedi-Edom wodu wʋʋ bɛnɩ. Ɛbɛ ma boo bebi-teni, ma bɔɔ bɛfʋrɩ bè di bɛnɩ gɛtɛ bɛɛ ka koro, gɛ bɛ̀ ba ɔkɛma tɛ gʋtʋn fɔ gɩɩ gɛmɛ. Obedi-Edom wodu wʋʋ bɛnɩ powu bɛ̀ ba akpilin asiyee ma bɛnyɔɔ (62).

9 Meselemiya bebi ma wɔ bɛfʋrɩ mɔ bè di gɛ begyegeyelɛ gɛtɛ bɛɛ ka koro. Ɛbɛ powu bɛ̀ ba fwo-nɩyɛ (18). 10 Hosa gɛtɛ e ye Merari fɔ bebi-teni n di, Simiri (ma gɛtɛ nka ɛwɔ n di ebi ɛndɩrɛ gba fɔ, wote ɛ ka wɔ ɛ mɛ egyegeyelɛ). 11 Ɛnyɔɔfɛ n di Hilikiya, esiyeefɛ n di Tabiliya, gɛ ɛnaafɛ n di Sekariya. Hosa bebi-teni ma wɔ bɛfʋrɩ powu bɛ̀ ba fwo besiyee (13).

12 Itunu yɩɩ bɛnyalɛ baakpen-akpen nyabɛ ma bɔɔ bɛndɩrɛ bɛ mɛ gʋtʋn gɛtɛ be yo bɛ tɛ bɛ Yahwe bʋnʋn anlɛ gɛtɛ bɔɔ bɛfʋrɩ Lefi bete-kurumakyɛɛ bɛ mɛ fɔ. 13 Bɛ sɩ̀ gɛ ataa be tiri dɩkpaara-kamasɛ ma diitunu. Bɛn nya alɛ ɩkɩ ì we pɩɩ, abɛɛ ɩkɩ mɔ ɩ̀ sɔ.

14 Ataa yɩɩ gɛsɩ̀ tɛ ofila wʋʋ gɛtàkʋn wʋʋ gɩlan wuutunu wʋʋnyalɛ fɔ gi tiri Selemiya. Gɛ ataa fɔ yɩɩ gɛsɩ̀ gi tiri wobi Sekariya, gɛtɛ è di amɩnlɛ yɩɩtɛlɛ-kpara gɛtɛ ɛ̀ɛ̀ nya gatala gɩɩ gɩlan wuutunu fɔ wuu koro. 15 Ataa yɩɩ gɛsɩ̀ tɛ gatɩn gɩɩ gɩlan giitunu fɔ gi tiri Obedi-Edom, gɛ gi tiri wo bebi-teni gɛtɛ bàà nya anyan yɩɩ gɛsɩ̀kʋn gii dikwo fɔ yii koro. 16 Ataa fɔ yɩɩ gɛsɩ̀ tɛ ofila wʋʋ gɛnʋ̀nkʋn gɩɩ gɩlan wuutunu, ma Saleketi wotunu gɛtɛ wʋ̀ sa osele gɛtɛ wʋ̀ dɔ wʋʋ bʋn fɔ wʋʋpɩ fɔ gi tiri Supim ma Hosa.

Anlɛ gɛtɛ bɛdɩyɛlɛ fɔ be yo gʋtʋn fɔ ma bɛwɔlɔn ɔya-ɔya fɔ n tɛ ba lɛ. 17 Lefi bete kooron bɛɛ sara ofila wʋʋ gɛtàkʋn wʋʋ gɩlan duwi-kamasɛ. Bɛnaa bɛɛ sara gatala gɩɩ gɩlan. Bɛnaa bɛɛ sara gatɩn gɩɩ gɩlan, gɛ bɛnyɔɔ-bɛnyɔɔ bɛɛ ka ɔya-kɩlɩn bɛ sara bɛ nya anyan yɩɩ gɛsɩ̀ yaakwo fɔ yii koro. 18 Gɛ bɛnɩ bɛnaa bɛɛ nya kpata gɛtɛ wʋ̀ sa san ma ofila wʋʋ gɛnʋ̀nkʋn wʋʋ gɩlan fɔ wuusele fɔ, gɛ bɛnɩ bɛnyɔɔ bɛɛ nya dɩkpaara fɔ dii koro.

19 Anlɛ gɛ be yo Kora ma Merari boo-idu yɩɩ bɛnɩ akpi-akpi gɛtɛ bàà mɛ itunu yɩɩ bɛnyalɛ fɔ.

20 Bɔɔwɔlɔn ɛbɛ Lefi bete bɛkɩ mɔ bɛ nya anyan-gbaa-gbaa gɛtɛ ɩ̀ sa Wurubwarɛ dɩkpaara daanɩ fɔ, ma anyan-gbaa-gbaa gɛtɛ be tiri bɛ sɩ̀ bɛ tɛ Wurubwarɛ fɔ yii koro.

21 Ladan wodu wʋʋ bɛnɩ gɛtɛ be ye Gerison anɩ, gɛ bɛ mɛ Ladan gɛtɛ è di Gerison-te fɔ wakpaara yɩɩ bɛndɩrɛ fɔ n di Yahiyeli, 22 ma Yehiyeli bebi-teni, ma Setam, ma wonobi Yoweli. Ɛbɛ na nya Yahwe Dikwo-dɩrɛ fɔ daanyan-gbaa-gbaa yii koro.

23 Amiram wodu wʋʋ bɛnɩ, ma Isahari wodu wʋʋ bɛnɩ, ma Hebron wodu wʋʋ bɛnɩ, ma Wusiyeli wodu wʋʋ bɛnɩ gɛtɛ bɛ mɛ gʋtʋn fɔ n di

24 Subayeli, gɛtɛ è di Mose wobi Gerisom wodu wʋʋnɩ fɔ na mɛ anyan-gbaa-gbaa yɩɩ gɛsɩ̀kʋn gɩɩnyalɛ ɛndɩrɛ. 25 Wɔ bɛfʋrɩ, gɛtɛ bè di wonobi Eliyese wodu wʋʋ bɛnɩ fɔ n tɛ ba lɛ. Eliyese e wo Rehabiya, gɛ ɛwɔ mɔ e wo Yesaya, gɛtɛ e wo Yoram fɔ. Yoram na wo Sikiri, gɛtɛ e wo Selomiti fɔ. 26 Selomiti ma wɔ bɛfʋrɩ na nya anyan-gbaa-gbaa gɛtɛ egyu-dɩrɛ Dafidi, ma akpaara-akpaara powu yɩɩ bɛndɩrɛ gɛtɛ bè di akpaara yɩɩ bɛndɩrɛ gɛtɛ bɛɛ nya bɩtà bʋʋ bɛtàlɛ nkpɩn ton-ton, ma akpilin ton-ton boo koro fɔ, ma bɩtà bʋʋ bɛtàlɛ bɛkɩ bɔɔ bɛndɩrɛ baanyan gɛtɛ be tiri bɛ sɩ̀ bɛ tɛ Yahwe fɔ yii koro. 27 Bɛ mɛ anyɩmɩnyan fɔ ɩkɩ gɛtɛ be kpila be ye bɩtà baanɩ fɔ fɩrɩnfɩrɩn, gɛ bɛ ka yɩ bɛ pɩna Yahwe Dikwo-dɩrɛ fɔ. 28 Selomoti ma wɔ bɛfʋrɩ na nya anyan gɛtɛ Wurubwarɛ wɔtabʋrʋlɛ Samuweli, ma Kisi wobi Sawulo, ma Neri wobi Abineri ma Seruya wobi Yowabi be tiri bɛ tɛ gɛtɛ bàà ka mɛ Wurubwarɛ Dikwo-dɩrɛ fɔ dɩɩ gʋtʋn fɔ, ma anyan-tɛlɛ-kurumakyɛɛ-do fɔ yii koro.

29 Isahari wodu wʋʋ bɛnɩ baanɩ fɔ, bɛ tɛ Kenaniya ma wo bebi-teni gʋtʋn gɛtɛ gɩɩn ma Dikwo-dɩrɛ fɔ daanɩ. Bɛ mɛ gɛ gɩfɩɩ gɩɩ bɛndɩrɛ, ma gɔdɔ gɩɩ bɛdɔ̀lɛ bɛ tɛ Isareli.

30 Hebron wodu wʋʋ bɛnɩ baanɩ fɔ, be tiri Hasabiya ma wɔ bɛfʋrɩ, gɛtɛ ɛbɛ powu bɛ̀ ba nkpɩn nɩyɛ ma akpilin ton (1,700) fɔ, gɛtɛ bàà nya Isareli bɛnɩ gɛtɛ bɛ̀ sa Yodan getu giifila wʋʋ gɛnʋ̀nkʋn wʋʋ gɩlan fɔ boo koro, fɔ bàà nya Yahwe gʋtʋn-kamasɛ ma egyu-dɩrɛ gʋtʋn-kamasɛ gii koro. 31 Hebron bete boo gewo-tama giidu gɩɩ gɩkpa gɛtɛ bɛ ŋwara baakpaara-akpaara yaanɩ fɔ, Yeriya n di dɩkpaara dɩɩndɩrɛ. Dafidi bugyu buu gedi wʋʋ gɩkyan akpilin anyɔɔfɛ gaanɩ fɔ, be bugiti ade be ye akpa yaanɩ, gɛ be we gɛtɛ Hebron bɛnɩ gɛtɛ bɛɛ ka koro fɔ bɛ sara Yaseri gɛtɛ wʋ̀ sa Gileyadi fɔ. 32 Yeriya bɛfʋrɩ bɛ̀ ba gbaa ma nkpɩn bisiyee ma akpilin ton (2,700) gɛtɛ bè di ɔkɛma wʋʋ bɛnɩ, gɛ bè di akpaara yɩɩ bɛndɩrɛ. Egyu-dɩrɛ Dafidi e tiri bɛ gɛtɛ bàà nya Ruben bete, ma Gadi bete, ma Manase wofoli-fan fɔ boo koro Wurubwarɛ wade-kamasɛ, ma egyu-dɩrɛ wade yaanɩ.