1 Ɩya-ɩya 9

1 Okoro bɛ kalan Isareli bete powu ma boo gewo-tama gii-idu gɛtɛ be ye yaanɩ fɔ, gɛ bɛ ŋwara yɩ bɛ sa Isareli begyu-dɩrɛ boo koro gaade yɩɩ gɩkpa fɔ gaanɩ.

Yerusalem bete

Gɛ be gye Yuda bete bɛ san gisela Babilon, yema ben di baade yii koro. 2 Bɛnɩ-gyangbasɛ gɛtɛ bɛ daà gye gɛ be biri bɛ bɛ sara ɛbɛ gbagba baasarakʋn, baatele yaanɩ fɔ n di Isareli gedi gɩɩ bɛtɛlɛ, ma Lefi bete, ma bɛnɩ gɛtɛ bɛɛ mɛ gʋtʋn Dikwo-dɩrɛ daanɩ fɔ.

3 Yuda wofoli, ma Benyamin wofoli, ma Efrayim wofoli, ma Manase wofoli gɛtɛ bɛ ma sara Yerusalem fɔ n di

4 Utayi gɛtɛ wote n di Amihudi fɔ. Amihudi wote n di Omiri, gɛ Omiri wote n di Imiri, gɛtɛ wote n di Bani, gɛtɛ è di Peresi wodu waanɩ wʋʋnɩ fɔ, gɛ Peresi mɔ è di Yuda wobi.

5 Ɛbɛ gɛtɛ be ye Silon bete baanɩ fɔ n di

Asaya gɛtɛ ɛwɔ n di ebi-teni ɛndɩrɛ fɔ, ma wo bebi-teni.

6 Ɛbɛ gɛtɛ be ye Sera wodu waanɩ fɔ n di

Yeweli ma wɔ bɛfʋrɩ.

Yuda bɛnɩ fɔ powu bɛ̀ ba nkpɩn busiyee ma akpilin anaa ma fwo (690).

7 Bɛnɩ gɛtɛ be ye Benyamin bɛnɩ baanɩ fɔ n di

Salu gɛtɛ è di Mesulam wobi fɔ. Mesulam è di Hodafiya wobi gɛtɛ è di Hasenuya wobi fɔ. 8 Ɛkɩ mɔ n di Ibeneya gɛtɛ è di Yeroham wobi fɔ, ma Ela gɛtɛ è di Usi wobi, gɛ Usi mɔ è di Mikiri wobi. Ɛkɩ mɔ n di Mesulam gɛtɛ è di Sefatiya wobi fɔ, gɛtɛ ɛwɔ mɔ è di Ruweli wobi, gɛ Ruweli mɔ è di Ibeniya wobi fɔ.

9 Bɛnɩ nyabɛ powu bè di gɛ Benyamin wakpaara yɩɩ bɛndɩrɛ. Gɛtɛ bɛ kalan boo gewo-tama-gii-idu yaanɩ fɔ, ɛbɛ powu bɛ̀ ba nkpɩn bɩnaa ma akpilin kwarankɩ ma fwo-kooron (956).

10 Gedi gɩɩ bɛtɛlɛ fɔ n di

Yedaya, ma Yehoyaribi, ma Yakin, 11 ma Asariya gɛtɛ è di Hilikiya wobi, gɛ ɛwɔ mɔ è di Mesulam wobi fɔ. Mesulam è di Sadoki wobi, gɛ Sadoki è di Merayoti wobi, gɛ Merayoti mɔ è di Ahitubi wobi gɛtɛ ɛɛ nya Wurubwarɛ Dikwo-dɩrɛ daade yii koro fɔ.

12 Bɛkɩ mɔ n di Adaya gɛtɛ è di Yeroham wobi, gɛtɛ è di Pasihuri wobi, gɛ ɛwɔ mɔ è di Malikiya wobi fɔ. Fɩya ma Maasayi gɛtɛ è di Adiyeli wobi, gɛ Adiyeli mɔ è di Yasera wobi, gɛ Yasera mɔ è di Mesulam wobi, gɛ Mesulam mɔ è di Imeri wobi.

13 Gedi gɩɩ bɛtɛlɛ gɛtɛ bè di akpaara-akpaara yɩɩ bɛndɩrɛ fɔ bɛ̀ ba nkpɩn nɩyɛ ma akpilin nɩyɛ (1,760). Bè di gɛ bɛnɩ gbaa gɛtɛ bɛɛ talɩ bɛ mɛ gʋtʋn Wurubwarɛ Dikwo-dɩrɛ fɔ daanɩ.

14 Lefi bete fɔ n di

Semaya gɛtɛ è di Hasubi wobi fɔ. Asubi mɔ è di Hasirikam wobi, gɛ Hasirikam è di Hasabiya wobi, gɛtɛ è di Merari-te fɔ. 15 Bɛkɩ mɔ n di Bakebakari, ma Heresi, ma Galali, ma Mataniya gɛtɛ è di Mika wobi fɔ. Mika è di gɛ Sikiri wobi, gɛ Sikiri mɔ è di Asafu wobi. 16 Bɛkɩ mɔ n di Obadiya gɛtɛ è di Semaya wobi, gɛ Semaya mɔ è di Galali wobi, gɛ Galali mɔ è di Yedutum wobi fɔ. Fɩya ma Berekiya gɛtɛ è di Asa wobi, gɛ Asa mɔ è di Elikana gɛtɛ ɛ sara Netofati bete baatele yaanɩ fɔ wobi.

17 Dikwo-dɩrɛ diitunu wʋʋ bɛdɩyɛlɛ fɔ n di

Salum, ma Akubi, ma Talimon, ma Ahiman, ma bɔɔdɩrɛ ɛbɛ. Fɔ Salum n di bɔɔndɩrɛ. 18 Bɛ tɩ̀ dɩyɛ egyu-dɩrɛ wotunu gɛtɛ wʋ̀ sa Dikwo-dɩrɛ fɔ diifila wʋʋ gɛ wʋʋ gɛtàkʋn wʋʋ gɩlan fɔ. Ɛbɛ na dɩyɛ Lefi bete bɔɔ gɛsarakʋn giitunu fɔ. 19 Salum gɛtɛ è di Kore wobi, gɛ Kore mɔ è di Ebiyasafu wobi, gɛ ɛwɔ mɔ è di Kora wobi fɔ, fɩya ma wɔwɔlɔn ɛbɛ otunu wʋʋ bɛdɩyɛlɛ Kora bɛnɩ fɔ na dɩyɛ Dikwo-dɩrɛ fɔ diitunu, anlɛ gɛtɛ bootu ɛbɛ bɛ dɩyɛ Dikwo-dɩrɛ dɩɩkʋn-dɩrɛ wuutunu fɔ. 20 Ɔkʋna wʋkɩ fɔ, Eleyasa wobi Pinehasi na mɛ otunu wʋʋ bɛdɩyɛlɛ fɔ bɔɔndɩrɛ, gɛ Wurubwarɛ ɛ sara ma ɛwɔ. 21 Mesulemiya wobi Sekariya na mɛ ɛdɩyɛlɛ Getumakʋn fɔ giitunu.

22 Bɛnɩ powu gɛtɛ be tiri gɛtɛ bàà dɩyɛ itunu fɔ bɛ̀ ba gɛkpɩn ma fwo bɛnyɔɔ (212). Bɛ ŋwara baayere boo gewo-tama giidu yaanɩ baatele yaanɩ. Dafidi ma Wurubwarɛ wɔtabʋrʋlɛ Samuweli n di bɛnɩ gɛtɛ bɛ ka gʋtʋn fɔ bɛ sa bɔɔ gʋlɔ. 23 Ɛbɛ ma boo-idu yɩɩ bɛnɩ gɛ bɛ ka bɛ sɩ̀ gɛtɛ bàà tɩ̀ dɩyɛ Yahwe dɩkpaara gɛtɛ dì biri dì di Dɩyan dii Dikwo fɔ diitunu. 24 Itunu yɩɩ bɛdɩyɛlɛ fɔ bɛ sara ifen ɩnaa fɔ powu yaanɩ. Bɛ sara ofila wʋʋ gɛtàkʋn wʋʋ gɩlan, ma ofila wʋʋ gɛnʋ̀nkʋn wʋʋ gɩlan, ma gatala gɩɩ gɩlan, ma gatɩn gɩɩ gɩlan. 25 Awi kwarankɩ-kamasɛ fɔ, bɔɔ bɛfʋrɩ fɔ bee ye baatele yaanɩ bɛ ba gɛtɛ bàà bɛ̀ kpà bɛ gʋtʋn fɔ gɩɩ gɛmɛ. 26 Mɔ bɛ ka akwo, ma Wurubwarɛ dɩkpaara fɔ daanyan-gbaa yɩɩ gɛsɩ̀kʋn bɛ sa itunu yɩɩ bɛdɩyɛlɛ bɔɔ bɛndɩrɛ bɛnaa gɛtɛ bè di Lefi bete fɔ bɔɔ gʋlɔ. 27 Bee yela odente-kamasɛ be silin Wurubwarɛ dɩkpaara fɔ, yema wù di gɛ bɔɔ gʋtʋn gɛtɛ bàà dɩyɛ dɩ. Okoro ɛbɛ n de bɛsafwɩ gɛtɛ bàà tɩ̀ tana ɩpʋnʋ fɔ gagyɩgyan-kamasɛ.

28 Baanɩ bɛkɩ bɔɔ gʋtʋn n di gɛtɛ bàà nya anyɩmɩnyan gɛtɛ bè de bɛɛ mɛ gʋtʋn Wurubwarɛ Dikwo fɔ daanɩ fɔ yii koro. Gengyi baà ka anyɩmɩnyan fɔ be ye oo, baà ka yɩ be gyu oo, ɛbɛ n tɛ kalan yɩ. 29 Bedo mɔ bɛ̀ sa gɛtɛ ɛbɛ n tɛ nya Ɔkʋn-fɩrɩnfɩrɩnkʋn fɔ wʋʋ bɛtasa, ma ɔnʋmʋ, ma wayɩn bʋkan, ma bʋnɔ, ma olifwi, ma anyan ma ofen fɔ yii koro. 30 Mɔ gedi gɩɩ bɛtɛlɛ fɔ bɛkɩ n tɛ nya anyan ma ofen fɔ yii gesugba. 31 Lefi-te ɛkɩ gɛtɛ bee kpèlè Matitiya gɛtɛ è di Kora-te Salum wobi ɛndɩrɛ fɔ n tɛ nya boroboro-kumalɛ gɛtɛ bɛɛ ka bɛ tɛ gedi fɔ wuu koro. 32 Bɔɔ bɛfʋrɩ Kohati bete fɔ bɛkɩ n te kuma boroboro gɛtɛ bɛɛ ka bɛ gyaga ɔkpʋlɔ wuu koro Ditunawi-kamasɛ fɔ.

33 Lefi bete baakpaara yɩɩ bɛndɩrɛ gɛtɛ bè di ɩnʋn yɩɩ bɛnʋmalɛ fɔ bɛɛ sara Dikwo-dɩrɛ fɔ daakwo yaanɩ, gɛtɛ bɛn taa nɩ yɛ bɛ bàà mɛ gʋtʋn gɩkɩ bɛ fɩya, yema bɛɛ mɛ ɩnʋn yɩɩ gɛnʋma yɩɩ gʋtʋn odon ma ofilibo.

34 Ɛbɛ nyabɛ powu bè di gɛ Lefi bete baakpaara yɩɩ bɛndɩrɛ, ma begyegeyelɛ, anlɛ gɛtɛ boo gewo-tama giidu gii wùlà fɔ. Bɛ sara gɛ Yerusalem.

Sawulo gewo-tama giidu

35 Gibeyon wote Yeyeli gɛtɛ e tiri Gibeyon ditele fɔ ɛ sara dʋkɔ. Wɔsɔ diyere n di Maaka, 36 gɛ wobi-teni ɛndɩrɛ n di Abidon, pɛ gɛ be wo Suri, ma Kisi, ma Baali, ma Neri, ma Nadabi, 37 ma Gedori, ma Ahiyo, ma Sekariya, ma Mikeloti. 38 Mikeloti na wo Simeyam. Ɛbɛ mɔ ke bɛ sara Yerusalem bɛ gbɛma bɔɔ bɛfʋrɩ.

39 Neri na wo Kisi, gɛ Kisi e wo Sawulo, gɛ Sawulo mɔ e wo Yonatan, ma Malikisuwa, ma Abinadabo, ma Esibaali.

40 Yonatan bebi-teni n di

Meribaali gɛtɛ è di Mika wote fɔ.

41 Mika bebi-teni n di

Piton, ma Meleki, ma Tahireya, ma Ahasi.

42 Ahasi na wo Yada, gɛ Yada e wo Alemeti, ma Asimafeti, ma Simri gɛtɛ e wo Mosa fɔ. 43 Mosa na wo Bineya, gɛ Bineya e wo Refaya gɛtɛ e wo Aseli fɔ.

44 Aseli e wo bebi kooron, gɛ baayere n di

Asirikam, ma Bokeru, ma Isimayeli, ma Seyariya, ma Obadiya, ma Hanan. Aseli bebi-teni bɛ lɛ.