1 Lefi bebi-teni n di

Gerison, Kohati, ma Merari.

2 Kohati bebi-teni n di

Amiram, ma Isahari, ma Hebron, ma Usiyeli.

3 Amiram bebi-teni n di

Aaron, ma Mose, ma Miriyam.

Aaron bebi-teni n di

Nadabi, ma Abihu, ma Eleyasari, ma Itamari.

4 Eliyasari na wo Pinehasi,

gɛ Pinehasi na wo Abisuwa,

5 Abisuwa mɔ na wo Buki,

gɛ Buki e wo Usi.

6 Usi na wo Seraya,

gɛ Seraya e wo Merayoti.

7 Merayoti na wo Amariya,

gɛ Amariya e wo Ahitubi.

8 Ahitubi na wo Sadoki,

gɛ Sadoki e wo Ahimaasi.

9 Ahimaasi na wo Asariya,

gɛ Asariya mɔ e wo Yohanan.

10 Yohanan na wo Asariya, gɛtɛ ɛ mɛ gedi gɩɩtɛlɛ ɛndɩrɛ, gɛ ɛ mɛ gʋtʋn Dikwo-dɩrɛ gɛtɛ Solomon e sere Yerusalem fɔ daanɩ fɔ.

11 Asariya na wo Amariya,

gɛ Amariya mɔ e wo Ahitubi.

12 Ahitubi na wo Sadoki,

gɛ Sadoki mɔ e wo Salum.

13 Salum na wo Hilikiya,

gɛ Hilikiya mɔ e wo Asariya.

14 Asariya na wo Seraya,

gɛ Seraya mɔ e wo Yehosadaki.

15 Bɛ ka Yehosadaki bɛ san gisele, ɔkʋna gɛtɛ Yahwe ɛ yɛ Nebukadinesa ɛ ka Yuda ma Yerusalem ɛ san gisela fɔ.

16 Lefi bebi-teni n di

Gerison, ma Kohati, ma Merari.

17 Gerison bebi-teni baayere n di

Libini ma Simeyi.

18 Kohati bebi-teni n di

Amiram, ma Isahari, ma Hebron, ma Usiyeli.

19 Merari bebi-teni n di

Mahili, ma Musi.

20 Gerison bebi-teni n di

Libini, ma Libini wobi Yehati

ma Yehati wobi Sima, 21 ma Sima wobi Yowa, ma Yowa wobi Ido, ma Ido wobi Sera, ma Sera wobi Yewaterayi.

22 Kohati wodu wʋʋ bɛnɩ n di

Aminadabo, ma Kora,

ma Asiri, 23 ma Elikana

ma Ebiyasafu, ma Asiri,

24 ma Tadati, ma Uriyeli,

ma Usiya, ma Sawulo.

25 Elikana wodu wʋʋ bɛnɩ n di

Amasayi, ma Ahimoti,

26 ma Ahimoti wobi Elikana, ma Elikana wobi Sofayi,

ma Sofayi wobi Nahati, 27 ma Nahati wobi Eliyabu,

ma Eliyabu wobi Yeroham, ma Yoram wobi Elikana, ma Elikana wobi Samuweli.

28 Samuweli bebi-teni n di

Yoweli gɛtɛ ɛwɔ n di wobi ɛndɩrɛ fɔ,

ma wobi-nyɔɔfɛ Abiya.

29 Merari wodu wʋʋ bɛnɩ n di

Mahili, ma wobi Libini, ma Libini wobi Simeyi, ma Simeyi wobi Usa,

30 ma Usa wobi Simeya, ma Simeya wobi Hagiya,

ma Hagiya wobi Asaya.

31 Gɛtɛ Yahwe Dɩdaka di be gyu Yerusalem fɔ, Dafidi e tiri bɛnɩ ɛ sɩ̀ gɛtɛ bàà nya ɩnʋn yɩɩ gɛnʋma gaade yii koro. 32 Fɔ bɛ̀ fʋrʋma bè di gɛ ɩnʋn yɩɩ bɛnʋmalɛ gɛtɛ bɛɛ mɛ gʋtʋn Dɩyan dii Dikwo-dɩrɛ fɔ daanɩ, Yahwe bʋnʋn, pɛ gɛ egyu-dɩrɛ Solomon e be sere Dikwo-dɩrɛ fɔ.

33 Bɛnɩ gɛtɛ bɛ nya ɩnʋn yɩ gɛnʋma fɔ gii koro, ma boo bebi-teni baayere n tɛ ba lɛ.

Kohati dɩkpaara daanɩ fɔ,

Heman na mɛ ɩnʋn yɩɩ bɛnʋmalɛ fɔ boogyegeyelɛ. È di gɛ Yoweli wobi, gɛ Yoweli mɔ è di Samuweli wobi. Wodu wʋʋ bɛnɩ ka biri ma sere Isareli n di

34 Elikana, ma Yeroham, ma Eliyeli, ma Towa,

35 ma Sufu, ma Elikana, ma Mahati, ma Amasayi,

36 ma Elikana, ma Yoweli,

ma Asariya, ma Sefaniya,

37 ma Tahati, ma Asiri,

ma Ebiyasafu, ma Kora,

38 ma Isahari, ma Kohati,

ma Lefi, ma Isareli,

39 ma Heman wɔwɔlɔn Asafu gɛtɛ ɛ mɛ egyegeyelɛ ɛ tɛ ɩnʋn yɩɩ bɛnʋmalɛ boo dikpen-nyɔɔfɛ fɔ. Wodu wʋʋ bɛnɩ n di Asafu, ma Berekiya, ma Simeya,

40 ma Mikayeli, ma Baseya, ma Malikiya, 41 ma Etini,

ma Sera, ma Adaya,

42 ma Etan, ma Sima,

ma Simeyi, 43 ma Yahati,

ma Gerison, ma Lefi.

44 Bɔɔwɔlɔn ɛbɛ gɛtɛ bè di Merari bɛnɩ gɛtɛ be yela dɩbɩyan fɔ n di

Etan, ma Kisi, ma Abidi, ma Maluki, 45 ma Hasabiya,

ma Amasiya, ma Milikiya,

46 ma Amesi, ma Bani, 47 ma Maheli,

ma Musi, ma Merari,

ma Lefi.

48 Bɛ sɩ̀ bɔɔwɔlɔn ɛbɛ Lefi bɛnɩ-kurumakyɛɛ fɔ bʋtʋn-kurumakyɛɛ gɛtɛ bàà mɛ Dikwo-dɩrɛ fɔ daanɩ. 49 Mɔ Aaron ma wodu waanɩ wʋʋ bɛnɩ n tɛ tɛ gedi gekuma gii gedi gɩɩ gɛtɛkʋn fɔ gii koro, ma olifwi wuu gekuma gii gedi gɩɩ gɛtɛkʋn fɔ gii koro gɛtɛ be sere ade-kamasɛ gɛtɛ bɛɛ mɛ Ɔkʋn-dɩrɛ wʋʋkʋn-dɩrɛ, ma gedi gɩɩ gɛtɛ̀ tɛ Isareli wade-kpen yɩɩ gɛka-kyɛ, anlɛ gɛtɛ Wurubwarɛ wɔsaranyan Mose ɛ dɔ̀ ɛ sɩ̀ fɔ.

50 Aaron wodu waanɩ wʋʋ bɛnɩ baayere n di

Eleyasa, ma Pinehasi,

ma Abisuwa, 51 ma Buki,

ma Usi, ma Serahiya,

52 ma Meratoti, ma Amariya

ma Ahitubi, 53 Ma Sadoki,

ma Ahimaasi.

54 Asarakʋn gɛtɛ be to bɛ tɛ Aaron wodu wʋʋ bɛnɩ gɛtɛ be ye Kahati wotunu waanɩ, gɛtʋnkwaa fɔ gaanɩ fɔ n tɛ ba lɛ. 55 Bɛ tɛ bɛ Hebron ma bɛnan baadikʋn gɛtɛ i silin bɛ i tuma fɔ, Yuda gɛtʋnkwaa gaanɩ. 56 Mɔ bɛ ka ili yɩɩ bʋfʋnkʋn ma atele gɛtɛ i silin ditele-dɩrɛ fɔ i tuma fɔ bɛ tɛ Yefune wobi Kalebi.

57 Okoro atele gɛtɛ bɛ ka bɛ tɛ Aaron wodu waanɩ wʋʋ bɛnɩ fɔ n di Hebron ditele, gɛtɛ dì di geserenti-gyukʋn gii ditele fɔ, ma Libina, ma Yatiri, ma Esitemowa, 58 ma Hilen, ma Debiri, 59 ma Asan, ma Yuta, ma Beti-Semesi, fɩya ma atele fɔ yɩɩ bɛnan baadikʋn. 60 Atele gɛtɛ bɛ tɛ bɛ Benyamin wofoli waanɩ fɔ n di Gibeyon, ma Geba, ma Alemeti, ma Anatoti, fɩya ma bɔɔ bɛnan baadikʋn.

Atele gɛtɛ bɛ ka bɛ tɛ bɛ Kahati bete baanɩ fɔ powu ɩ̀ ba fwo asiyee.

61 Be tiri atele fwo be ye Manase wofoli-fan fɔ waanɩ bɛ tɛ Kohati wodu wʋʋ bɛnɩ-kurumakyɛɛ fɔ.

62 Bɛ tɛ Gerison wodu wʋʋ bɛnɩ, akpaara-akpaara, atele fwo asiyee ye Isaka wofoli, ma Ase wofoli, ma Nafitali wofoli, ma Manase wofoli wuufèn gɛtɛ wù di Basan fɔ yaanɩ.

63 Be tiri atele fwo anyɔɔ be ye Ruben wofoli, ma Gadi wofoli, ma Sebulun wofoli yaanɩ bɛ tɛ Merari wodu wʋʋ bɛnɩ dɩkpaara-dɩkpaara.

64 Okoro Isareli bete bɛ tɛ Lifi bete gɛlɛ gaatele nyayɩ, ma yɩɩ bɛnan baadikʋn. 65 Gɛ be tiri Yuda wofoli waanɩ, ma Simeyon wofoli waanɩ, ma Benyamin wofoli waanɩ, atele gɛtɛ be kpèlè yaayere bɛ bɛ da fɔ, be yo bɛ tɛ bɛ.

66 Be tiri atele fɔ akɩ be ye Efrayim wofoli waanɩ bɛ tɛ Kohati wakpaara fɔ ɩkɩ.

67 Efrayim wo-idon yɩɩ gɛtʋnkwaa fɔ gaanɩ fɔ, bɛ tɛ bɛ Sekem gɛtɛ wù di geserenti-gyukʋn gii ditele, ma Geseri, 68 ma Yokimeyam, ma Beti-Horon, 69 ma Ayalon, ma Gati-Rimon, fɩya ma bɛnan baadikʋn.

70 Ye Manase wofoli-fan waanɩ Isareli bete bɛ ka Aneri, ma Bileyam, fɩya m bɛnan baadikʋn bɛ tɛ Kohati bete baakpaara-kurumakyɛɛ fɔ.

71 Gerison bete be wura atele gɛtɛ ɩɩ ba lɛ.

Manase wofoli-fan fɔ waanɩ fɔ,

be wura Golan gɛtɛ ɛ̀ sa Basan anɩ fɔ, ma Asitaroti, fɩya ma bɛnan baadikʋn.

72 Isaka wofoli waanɩ fɔ,

be wura Kadesi, ma Daberati, 73 ma Ramoti, ma Anem, fɩya ma bɛnan baadikʋn.

74 Aseri wofoli waanɩ fɔ,

be wura Masali, ma Abidon, 75 ma Hukoki, ma Rehobi, fɩya ma bɛnan baadikʋn.

76 Gɛ Nafitali wofoli waanɩ fɔ,

be wura Kadesi gɛtɛ ɛ̀ sa Galilee fɔ, ma Hamon, ma Kiriyatayim, ka fɩya ma bɛnan baadikʋn.

77 Merari bete gɛtɛ bè di Lefi bete-kurumakyɛɛ fɔ be wura atele gɛtɛ yɩɩ ba lɛ.

Ye Sebulun wofoli waanɩ fɔ,

be wura Yokineyam, ma Karita, ma Rimono, ma Tabo atele, fɩya ma bɛnan baadikʋn.

78 Ye Ruben wofoli waanɩ, Yodan getu-fèn, Yeriko wofila wʋʋ gɛtàkʋn wʋʋ gɩlan fɔ,

be wura Beseri gɛtɛ wʋ̀ sa otonkuma waanɩ fɔ, ma Yahisa, 79 ma Kedemoti, ma Mefaati, fɩya ma bɛnan baadikʋn.

80 Ye Gadi wofoli waanɩ fɔ,

be wura Ramoti gɛtɛ ɛ̀ sa Gileyadi anɩ fɔ, ma Mahanayim, 81 ma Hesibon, ma Yeseri, fɩya ma bɛnan baadikʋn.