1 Yuda wodu wʋʋ bɛnɩ n di

Peresi, ma Hesiron, ma Karimi, ma Huri, ma Sobali.

2 Sobali wobi-teni n di Reya, gɛ Reya wobi-teni n di Yahati gɛtɛ e wo Ahumayi, ma Lahadi fɔ. Bɛnɩ nyabɛ n di Sorati wodu wʋʋ bɛnɩ fɔ.

3 Etam bebi-teni n di

Yesireli, ma Isima, ma Idibasi. Boonosobi diyere n di Haseleliponi. 4 Penuweli wobi n di Gedori, gɛ Eseri wobi n di Husa.

Huri gɛtɛ è di Efrati wobi-teni ɛndɩrɛ, gɛtɛ e tiri Betelehem ditele fɔ wodu wʋʋ bɛnɩ bɛ lɛ.

5 Tekowa wote Asuri e to bɛna bɛnyɔɔ. Ɛbɛ n di Hela ma Naara.

6 Naara e wo Ahusam, ma Heferi, ma Temeni, ma Hahasitari ɛ tɛ wɔ. Naara wodu waanɩ wʋʋ bɛnɩ bɛ lɛ.

7 Hela wodu wʋʋ bɛnɩ n di

Sereti, ma Sohari, ma Etenan, 8 ma Kosi gɛtɛ e wo Anubi, ma Hasobeba, ma Ahaheli gɛtɛ wote n di Huram fɔ wodu waanɩ.

9 Fɔ Yabesi ɛ̀ ba gebù da wɔdɩrɛ ɛbɛ. Wɔna ɛ sa wɔ diyere alɛ Yabesi, yema ɛɛ dɔ̀ alɛ <<Ofele waanɩ gɛ na wo wɔ.>> 10 Yabesi e tiri onyun ɛ tɛ Isareli wo Wurubwarɛ alan, <<Oo, Wurubwarɛ, hira mɩ, fɔ àà yaraba mɩɩn gɛtʋnkwaa. Fɩya ma nmɩ, fɔ àà tiri mɩ ye ade-kpen-kamasɛ gɛtɛ yaà sa mɩ dɩyɩyɛ fɔ yaanɩ. Gɛ Wurubwarɛ ɛ nʋn wonyun-tiri.

11 Suha wonobi Kelubi wote n di Mehiri gɛtɛ wote n di Esiton fɔ. 12 Esiton na wo Beti-Rafa, ma Peseya, ma Tehina gɛtɛ e tiri Nahasi ditele fɔ. Ɛbɛ nyabɛ n di Reka beteni.

13 Kenesi bebi teni n di

Otiniyeli ma Seraya.

Otiniyeli bebi-teni n di

Hatati ma Mewonotayi. 14 Mewonotayi na wo Ofira.

Seraya na wo Yowabi,

gɛtɛ e tiri Ge-Harasim. Bɛ sa dɩ diyere gɛlɛ, yema dʋkɔ wʋʋ bɛnɩ bè di gɛ adawʋ yɩɩ bɛsalɛ.

15 Yefune wobi Kalebi bebi-teni n di

Iru, ma Ela, ma Naam.

Ela wobi-teni n di

Kenasi.

16 Yehaleleli bebi-teni n di

Sifu, ma Sifa, ma Tiriya, ma Asareli.

17 Esira bebi-teni n di

Yeteri, ma Meredi, ma Eferi, ma Yalon. Meredi wɔsɔ ɛbɛ fɔ baanɩ ɛkɩ na wo Miriyam, ma wotesebi ɛbɛ Samayi, ma Isiba gɛtɛ e tiri Esitemowa ditele fɔ. 18 Wɔsɔ gɛtɛ e ye Yudeya fɔ na wo Gedori wote Yeredi, ma Soko wote Heberi, ma Sanowa wote Yekutiyeli. Ɛbɛ nyabɛ n di Farawo wobi-nanɩ Bitiya gɛtɛ Meredi e to gɩna fɔ bebi.

19 Hodiya wɔsɔ gɛtɛ wotesebi n di Naham fɔ bebi-teni n di

Garmi wafʋrɩ gɛtɛ bɛ sara Keyila ditele daanɩ fɔ, ma Maakati wafʋrɩ gɛtɛ bɛ sara Esitomwa ditele daanɩ fɔ.

20 Sihimon bebi-teni n di

Aminon, ma Rina, ma Ben-Hanan, ma Tilon.

Isi bebi-teni n di

Soheti, ma Ben-Soheti.

21 Yuda wobi-teni Sela bebi-teni n di

Eri gɛtɛ e tiri Leka ditele fɔ, ma Laada gɛtɛ e tiri Maresa ditele fɔ, fɩya ma afʋrɩ gɛtɛ bɛɛ lɔ ayan-fututu gɛtɛ bɛ sara Beti-Asibeya fɔ, 22 ma Yokim, ma Koseba bɛnɩ, ma Yowasi ma Sarafi gɛtɛ be to Mowabi bɛnanɩ gɩna, gɛ bɛ ma sara Betelehem fɔ. Ade-ŋwaralɛ-sɩ̀lɛ nyayɩ i ye ade-kuba gɛtɛ bɛ ŋwara fɔ yaanɩ. 23 Ɛbɛ n di isun yɩɩ bɛmaralɛ gɛtɛ bɛ sara Netayim ma Gedera fɔ. Bɛ sara dʋkɔ bɛ mɛ gʋtʋn bɛ tɛ egyu-dɩrɛ.

24 Simeyon wodu wʋʋ bɛnɩ n di

Nemuweli, ma Yamin, ma Yaribi, ma Sera, ma Salum.

25 Salum na wo Salum, gɛ Salum e wo Mibisam, gɛ Mibisam e wo Misima.

26 Misima wodu wʋʋ bɛnɩ n di

Hamuweli, gɛtɛ e wo Sakori, gɛ Sakori mɔ e wo Simeyi.

27 Simeyi e wo bebi-teni fwo-kooron, ma bebi-nanɩ kooron. Mɔ wonobi ɛbɛ ben wo gʋsɔ anlɛ ɛwɔ. Okoro Samuweli wofoli wʋʋ bɛnɩ bɛn sɔ anlɛ Yuda bete fɔ. 28 Ma ye egyu Dafidi wawi yaanɩ fɔ Simeyon wofoli nyawʋ wʋ sara Beseba, ma Molada, ma Hasari-Suwali, 29 ma Biliha, ma Esem, ma Toladi, 30 ma Betuweli, ma Horima, ma Sikilagi, 31 ma Beti-Marikaboti, ma Hasari-Susim, ma Beti-Biri, ma Saarayim atele yaanɩ. 32 Bɛ nɩ sara atelebi Etam, ma Ayin, ma Rimon, ma Token, ma Asan yaanɩ. Ɛyɩ powu ɩ̀ ba atelebi ton, 33 fɩya ma atele gɛtɛ i silin i tuma gɛlɛ gaatele-dɩrɛ ɩtɔkɔ ka ma sere Balati. Baasarakʋn, ma boo gewo-tama giidu yaade-ŋwaralɛ-sɩ̀lɛ ɩ lɛ.

34 Mesobabi, ma Yameleki, ma Yosa gɛtɛ è di Amasiya wote fɔ, 35 ma Yoweli, ma Yehu gɛtɛ wote n di Yosibiya fɔ, ma Seraya wobi-teni, ma Asiyeli wobi-teni, 36 ma Eliyonayi, ma Yaakoba, ma Yesohaya, ma Asaya, ma Adiyeli, ma Yesimiyeli, ma Benaya, 37 ma Sisa gɛtɛ wote n di Sifi fɔ, ma Alon wobi-teni, ma Yedaya wobi-teni, ma Simiri wobi-teni, ma Semaya wobi-teni. 38 Bɛnɩ nyabɛ gɛtɛ be kpèlè baayere lɛ bè di gɛ baakpaara yii begyegeyelɛ. Baakpaara ɩ sɔ gepepe. 39 Gɛ bɛ san bɛ ma ye Gedori wɔpɩ, ka ma ye dɩtagba fɔ diifila wʋʋ gɛtàkʋn wʋʋ gɩlan, gɛtɛ bee bugiti dɩfa bàà tɛ bɔɔ bɛnan. 40 Be wura dɩfa-kpara, ma bɛnan boo gedikʋn-kpara, gɛ gɛtʋnkwaa fɔ gɩ̀ sɔ. Olila wʋ̀ sa gaanɩ, gɛ dʋkɔ wù we yiridi. Ham bete bɛ sara dʋkɔ bɛ nya.

41 Yuda wogyu-dɩrɛ Hesekiya bugyu buu gedi bʋʋya waanɩ gɛ bɛnɩ gɛtɛ bɛ ŋwara baayere lɛ bɛ ma tà bɩtà ma Ham bete, bɔɔ gɛsarakʋn gaanɩ. Gɛlɛ ke gɛ bɛ tà bɩtà ma Mewun bete, gɛ be muru bɛ kɩrɩ-kɩrɩ, anlɛ gɛtɛ ii we ǹdò lɛ. Ɛwʋ gɛ be to baasarakʋn fɔ bɛ sara, yema bɛnan boo gedikʋn gɩ̀ sa dʋkɔ gɛtɛ bɔɔ bɛnan baà wura be di. 42 Ade nyayɩ yɩɩ gama fɔ, Simeyon bete nkpɩn bʋnyɔɔ ma akpilin ton (500) gɛtɛ Pelatiya, ma Neyariya, ma Refaya, ma Usiyeli be gyegeye bɔɔ bʋnʋn, gɛ bɛ san bɛ ma to Seri wodon wʋʋ gɛtʋnkwaa fɔ. 43 Be wolo Amaleki bete gɛtɛ be ti serenti be ye bɩtà baanɩ, gɛ to dʋkɔ bè si bè ye ma ǹdò.