1 SAMUEL 6

Makpesegu Ndamu Aɖaka Mabɔ Israel

1 Ɔwi wɔ i Bosate ndamu aɖaka ɔɔwe i ma Filistise karɔ̃ iso awa akɔdzɛ ne, 2 ma Filistise ɔkpere ma masɔrɛdze gu mawase makarɛ ma sɔ, "Nda ngbɔ boabara Bosate ndamu aɖaka? Miɣere bo kumɛgɔ boabara fiɛ boakpesegu wã bokɛlɛgu wã kasɛkɔ̃."

3 Matã mmuai sɔ, "Si mito mikpesegu Israel ɣaa aɖaka mikɛlɛgu ne, midaasese wã kere. Ikote sɔ miasese wũ iɣɛrɛkuso isɔrɛ. Iyɔ ne miana isosarɛ fiɛ miatsue miɖiite sɔ, ne ɔso i Bosate iitara ɔ̃ kɔrɔ̃ i mi iso."