4 Kweyi aka do Oyesu mo, <<Inofoza, aha kwo onya mani ya beba. 5 Ishini Omusa daha ono mani oka daha mo onya ni akwo ya yoza mani, ana takyo gbi ishini ona gekwu. Nabani awo kamoji?>> 6 Oka doda mani weda pini aba ze do Oyesu la shini ana pyowe ko kwepwo.

Oyesu ke yikweyi lagye kweyi ya tenena okpagye kpayabo nu byoya pwuwa lo ni. 7 Ishini abipu koka ba do ni, Oyesu zikweyi iso kweyi ka dawa mo, <<Owoni ashishe ipu kala gbozalabi ebibye lo nawa kikyikyo ko tonya mani akyo.>> 8 Okyikweyi nu lagye kweyi ya tenena.

9 Bwebe ni awase ni pwela mani ni kwotu ko shebe ni bita bwa anyakwase wa ayeke, gbishini asho Oyesu kpo onya ni bita hagye ebe ni. 10 Oyesu zikweyi iso kweyi doka mo, <<Onya, abebenya? Ashishe wa kwepwo lo?>>

11 Okamo, <<Ashishe lo.>>

Oyesu ka danu mo, <<Ami ki ya kwepwo lo. Gawo, ka yozalabi kelo.>>