उत्पत्ति 4

12 चाए तूँ जमीना दे कितणी बी तागत लगाए, तेबे बी ताखे पूरी मईणता रा फल़ नि मिलणा ओर तूँ तरतिया पाँदे पटकणे वाल़ा ओर जगा-जगा रिंडणे वाल़ा ऊणा।" 13 तेबे कैने यहोवे खे बोलेया, "मेरी सजा सईणे ते बारे ए। 14 देख, तैं आज आऊँ एते जगा ते निकयाल़ी राखेया ओर मां तेरी नजरा ते दूर रणा ओर तरतिया पाँदे पटकणे वाल़ा ओर रिंडणे वाल़ा रऊँगा ओर जेस केसी खे आँऊ मिलणा, तेस आऊँ काई देणा।" 15 इजी बजअ ते यहोवे तेसखे बोलेया, "जो कोई ताखे काओगा, तेसते सातगुणा बदला लया जाणा।" तेबे यहोवे कैनो रे शरीरो पाँदे एक चिह्न् लगाया ताकि कोई तेसखे काओ नि।

कैनो रा खानदान

16 तेबे कैन यहोवे रे सामणे ते निकल़ी गा ओर नोद नाओं रे प्रदेशो रे, जो अदनो रे पूर्वो री तरफा खे ए, रणे लगेया।