उत्पत्ति 6

13 इजी बजअ ते परमेशरे नूओ खे बोलेया, "सबी लोका खे खत्म करने रा बखत आईगा रा, कऊँकि तिना री बजअ ते तरती ईंसा साथे परी गी री। एबे देखो, मां सेयो तरतिया पाँदा ते नाश करी देणे। 14 इजी खे तूँ गोपेर डाल़ो री लकड़िया रा एक जाह्ज बणाई लो, तिदे कोठड़िया बणाई की तिजी रे बारे-पीतरे राल़ लगाणा। 15 तैं जाह्ज एते टंगो रा बनाणा कि जाह्जो री लम्बाई तीन सौ आथ, चौड़ाई पंजा आथ ओर ऊच्चा तीई आथ ओ। 16 जाह्जो रे एक द्धारी बनाणी, तिजी रे एक आथ पाँदा ते तिजी री छत बनाणा ओर जाह्जो रे एक तरफा खे एक दुराजा राखणा ओर जाह्जो रे पईला, दूजा ओर तीजा इस्सा बनाणा।