6 फेर एड़ा ऊआ कि चाल़िया दिना ते बाद नूहे आपणे बणाए रे जाह्जो री द्धारी खोली। 7 ओर एक काओ उड़ाईता जदुओ तक पाणी तरतिया पाँदा ते नि सूकीगा, तदुओ तक काओ ओरे-पोरे उड़दा रया। 8 फेर तिने आपू गे ते एक कबूतरी उड़ाईती कि देखूँए कि पाणी तरतिया पाँदा ते कटेया कि नई। 9 पर तेसा कबूतरिया खे आपणे पैर राखणे खे कोई जगा नि मिली तो से नूओ गे जाह्जो रे वापस आईगी, कऊँकि सारी तरतिया पाँदे पाणी ई पाणी था। तेबे नूए आथ आगे करी की से पकड़ी ली ओर आपू गे जाह्जो रे लई ली। 10 नूए सात दिन ओर रूकी की सेई कबूतरी जाह्जो ते फेर उड़ाईती, 11 जेबे कबूतरी साँजके बखते तेसगे आईगी ओर तिने देखेया कि तेसा री चूंजा रे जैतूनो रा एक नवां पत्ता ए। इजी ते नूहे जाणी ला कि पाणी तरतिया पाँदा ते कटी गा रा। 12 फेर तिने सात दिन ओर रूकी की सेई कबूतरी उडाई ओर से तेसगे फेर कदी वापस नि आई।