Provérbios 2

ज्ञानो री कीमत

1 ओ मेरे बच्चेयो, जे तुसे मेरिया गल्ला खे मानो

ओर मेरी आज्ञा खे आपणे मनो दे राखो,

2 ओर अक्ला रिया गल्ला त्यानो साथे सुणे,

ओर समजा री गल्ल मन लगाई की सोचे;*2:2 नीति 23:12

3 ओर जे तूँ ओशियारी ओर समजा खे बऊत कोशिशा ते आका पाई की बुलाए,

4 ओर जे तूँ तिजी खे चाँदिए रिया खानी जेड़ा टोल़ो,

ओर गुप्त खजाने जेड़ा तिजी खे टोल़दा रये;*2:4 मत्ती 13:44

5 तेबे तां यहोवे रा डर समजणा,

ओर परमेशरो रा ज्ञान ताखे मिलणा।

6 कऊँकि यहोवा ई बुद्धि देओआ,

ओर तेसरे मुंए तेई ज्ञान ओर समजा रिया गल्ला निकल़ोईया।*2:6 याकूब 1:5