3 तैखन यहोशापात डेरि जेव ते यहोवारी तलाशी मां लेग्गी जेव, ते पूरे यहूदा प्रदेशे मां बरत रखनेरो प्रचार कराव। 4 एल्हेरेलेइ यहूदा प्रदेशेरे सारे नगरन मरां लोक यहोवा करां मद्दत मगनेरे लेई यरूशलेम नगरे मां अकोट्ठे भोए।
15 तैखन तै ज़ोने लगो, "हे सारे यहूदा ते यरूशलेमेरे रानेबाले लोकव, हे यहोशापात राज़ा, तुस सब ध्यान देथ। यहोवा तुसन सेइं इन ज़ोते, ‘तुस इस बेड़ी भीड़ी करां न डरा ते तुस हिम्मत न हारा। किजोकि जंग तुश्शी नईं, परमेशरेरीए। 17 इस लड़ाई मां तुसन लड़नू नईं पेनू। हे यहूदारे सेना, ते हे यरूशलेमेरे सेना, रुकोरे रेइयथ, ते खड़े रेइतां यहोवारी तरफां अपनो बचाव हेरथ।’ न डरा, ते तुस हिम्मत न हारा। कालां तैन केरो सामनो केरने च़ेलथ ते यहोवा तुसन सेइं साथी रालो।"
22 ज़ैस वक्ते तैना गीतां ज़ोइतां तैसेरी आराधना केरने लगे, तैस्से मौके यहोवा अम्मोनी, मोआबी ते सेईरेरे पहाड़ी प्रदेशेरे लोकन पुड़ ज़ैना यहूदारे खलाफ एज्जी राहोरे थिये, मारनेबाले बिशाले ते तैनेईं तैना मारे।