1 Dáa dwoo Patekɔt nakakum ɛ, bɛdjekel nadi ɛ́ zɛɛga é sum di wat. 2 Kasɛka tɔ gwoo ɛ́, dhiiti mɛwuŋal dáa ghuu na lyel-lyel eezɛlwoodal ndjaa djas bɛ nadi tɔ tak ɛ. 3 Tin, bɛ eezɛbee esonok eezɛtyaa kɔ elo bɔɔ, tyee mengel mɛ du. Bhii tak, wɔ gwaa ngel tak zokazɛbɛka, bɔɔ epes-epes, kyee wat-wat eekɛtyaa kɔ mot nɛ mot.

4 Bɔɔ djas naalwood nɛ Sisim na Dɛɛ. Bhii tak bɛ moo tin elii membyak me sis, dáa Sisim nadi edjɛ bɛ ghwyil ɛlii ɛ.

5 Tin, é ghɛŋ tak, tɔ Yeluzalɛm, ye nadi ɛ́ nɛ bot ɛ mbyak eYuda nadi ekaab Zɛɛb ɔ, nadus pɛ kyee mɛdhik djas di kɔ ɛko ɛ bɔs ɔ.