Ésaïe 2

1 Pawòl ke ✝2:1 És 66:24Ésaïe, fis a Amots la, te wè konsènan Juda avèk Jérusalem.

2 Alò, li va vin rive ✝2:2 Mi 4:1-3nan dènye jou yo,

ke mòn lakay SENYÈ a va etabli kon chèf a mòn yo.

Li va leve pi wo pase kolin yo,

e tout nasyon yo va kouri vin jwenn li.

3 Konsa, anpil pèp va vini e yo va di:

Vini, annou monte nan mòn SENYÈ a,

lakay Bondye a Jacob la;

pou L kab enstwi nou konsènan chemen Li yo,

e pou nou kapab mache nan pa Li yo.

Paske lalwa a va sòti fè parèt ✝2:3 És 51:4-5soti nan Sion,

e pawòl Bondye a soti nan Jérusalem.

4 Li va jije pami nasyon yo,

e Li va rann desizyon pou anpil pèp.

Yo va frape nepe yo pou fè cha tè a,

ak lans lagè pou fè kwòk imondaj yo.

Nasyon p ap leve nepe kont nasyon

e jis pou tout tan,

yo p ap vin aprann fè lagè ankò.

5 Vini lakay Jacob;

annou mache nan ✝2:5 És 60:1-20limyè SENYÈ a.

6 Paske ou te ✝2:6 Det 31:17abandone pèp Ou a, lakay Jacob,

akoz yo plen ak jan de panse yo

ki sòti nan lès;

akoz yo vin pwofèt ki swiv Filisten yo,

k ap antann yo ak pitit a etranje yo.

7 Anplis, peyi yo vin plen ak ajan ak lò

e pou richès yo, nanpwen fen.

Peyi yo osi vin plen ak cheval yo,

e ak cha lagè yo, nanpwen fen.

8 Peyi yo anplis ✝2:8 És 10:11plen ak zidòl;

yo adore zèv men pa yo, sa ke dwèt yo te fè.

9 Pou sa, lòm vin imilye;

e limanite vin bese.

Konsa, ✝2:9 Né 4:5pa padone yo.

10 Antre nan wòch,

e kache nan pousyè,

kont ✝2:10 II Tes 1:9 laperèz SENYÈ a,

kont mayifisans ak majeste li.

11 ✝ 2:11 És 5:15 Ògèy a lòm va vin bese

e wotè a lòm va vin imilye.

E nan jou sa a se sèl SENYÈ a k ap egzalte.

12 Paske SENYÈ dèzame yo va gen yon jou jijman

kont nenpòt moun ✝2:12 Job 40:11-12ki ògeye, e ki awogan;

nenpòt moun ki leve tèt li wo va bese li.

13 Epi kont tout bwa sèd Liban an ki byen wo,

e ki leve tèt yo wo,

kont tout ✝2:13 Za 11:2chenn Basan yo.

14 Kont tout ✝2:14 És 40:4 mòn wo yo,

kont tout kolin ki leve wo yo,

15 Kont tout ✝2:15 És 25:12fò wo yo,

kont tout miray fòtifye yo,

16 Kont tout ✝2:16 I Wa 10:22bato Tarsis yo,

kont tout sa ki bèl pou wè yo.

17 Ògèy a lòm va vin imilye

e wotè a lòm va vin desann.

Se sèl SENYÈ a ki va egzalte nan jou sa a.

18 Men ✝2:18 És 21:9zidòl yo va vin disparèt nèt.

19 Tout moun va ✝2:19 És 2:10antre nan kav pami wòch yo,

ak nan twou tè a,

devan gran laperèz SENYÈ a,

ak gwo bagay etonnan de majeste Li,

lè Li leve pou fè tè a tranble.

20 Nan jou sa a, tout moun va ✝2:20 És 30:22jete deyò rat ak chòv-sourit,

zidòl fèt an ajan, ak zidòl fèt an lò,

ke yo te fè pou yo menm ta adore,

21 pou yo ka ✝2:21 És 2:19antre nan kav wòch

ak twou wòch nan falèz yo,

pou yo pa parèt devan laperèz SENYÈ,

ak gwo bagay etonan a majeste Li a,

lè Li leve pou fè latè tranble.

22 Sispann mete konfyans nan lòm;

souf vi li se sèl nan nen l.

✝ 2:22 És 40:15-17 Kisa li vo?