13 Mboki, nayena mpeve zitatu zilembolo ba zivedila zifwanakana na mahono, zedi duuka. Yimosi mu munwa wu Ndalango, yimosi mu munwa wu kibulu, mpe yimosi mu munwa wu mumbikudi wuluvunu. 14 Zozozo ni mpeve zimbi zina sa bidimbu bingitukulu. Zina kwenda ku zintinu zi nza yimvimba, mu bakutikisa mu nwana mvita yi kilumbu kikinene ki Nzambi, Mfumu yi lulendo lumvimba.
15 Mfumu ebu kateedi: «Tala, nina kwiza bonso mwivi. Kyese ku yondowo wuna kaya meso na wuna keba binkutu byandi, mwanki kalembolo dyata mpene, mpe kalembolo yena nsoni ha meso ma bantu.»
16 Mpeve zimbi zikutikisa zintinu ha kibuka kibakwe tumisinanga mu ndinga yi kihebeleo ti Halamangendoni.
/images/a/b347f3da-bc75-400b-e6b5-a5eca2abe600)
/images/a/6c03efee-c76a-4ab8-fe2e-555683f90900)