11 Mboki nayena mazulu mazibuka na mpunda yimosi yimpembe yiyenika. Yondowo wuba wuzakala ha yulu andi, nkumbu andi Kwikama na Kedika, kwe fundisanga na kwe nwananga mvita mu lunungu. 12 Meso mandi maa bonso tiya tuna pyala milaka, ha yulu mutu andi, mpu zizingi zi kintinu ziba hoho. Yandi wuba na nkumbu yisonama yilembolo zaba muntu tala ti ka yandi bende kaka ko. 13 Wulwata kiyunga kibavwengi mu menga, mpe nkumbu andi «Mambu ma Nzambi.» 14 Mpumbu yi zimbulu-mbulu yi mazulu, yedi kwe mulandi mu yulu zimpunda zimpembe, yiba yilwata milele mintalu mi lino mimpembe na mivedila. 15 Mu munwa andi muduuka mbele yimeeno yiyila yi kaasembila zinsi. Yandi waaba munkengi awu na muhangu wukisengo ha kooko, yandi waakamuna mbutu zi vinu mu kikamununu ki nganzi zi Nzambi, Mfumu yi lulendo lumvimba. 16 Ha yulu kiyunga kyandi na ha yulu bunda dyandi, nkumbu yimosi yisonama ti: «Ntinu yi zintinu na Mfumu yi zimfumu».