YOWANE 15

Yesu muti wu vinu wukedika

1 Meno nidi muti wu vinu wukedika, mboki Tata ani ni kisadi ki mfuba yi vinu. 2 Kyonso kintala kii mu meno, kikwe lembolo butanga mbutu, kya kakwe zenganga. Mpe kyonso kintala kikwe butanga mbutu, kya kakwe kwangulanga mu ntendo, mwanki katoma buta mbutu zizingi. 3 Yeno lweka bwabu bavedila mu dyambu di mambu mana lusamunini. 4 Beeno bakangama mu meno, meno mpe mu yeno. Tala ti kintala kii kikangama mu muti wu vinu ko, kilendi buta mbutu kyabende ko. Bumosi mpe yeno tala ti luu bakangama mu meno ko. 5 Meno nii muti wu vinu, yeno ni bintala. Yondowo wuu wukangama mu meno bonso meno mu yandi, yandi waabuta mbutu zizingi. Mu dyambu ti lulendi sa kima ko tala ti luu mu meno ko. 6 Muntu wulembolo ba wukangama mu meno, watubu ku mbazi bonso kintala, mpe kyaayuma. Bakwe totanga bintala biyuma, mpe bya bakwe tubanga ku tiya, mboki bihidi. 7 Tala ti luu bakangama mu meno na mambu mani maa mu yeno, lombeeno kyonso kilutiidi, kyaalwabaka. 8 Tata ani waakemboso bonso ebu: ti lu butidi mbutu zizingi, mpe ti lweka nkatika milongoki myani.