Lucas 15

3 Kansi Yesu wubateela kingana eki: 4 «Nkye muntu ha kati dyeno wudi na nkama yi mameme, mboki zimbisi dimosi, walembolo sa sisa mameme makumivwa na vwa ko ku nsi yinkatu, mu kwe sosi dimeme bedyodyo di zimbadi natee bu kayena dyo e? 5 Bu kayeni dyo, yangaladi, bongidi dyo na tudidi dyo ha yulu mahembo mandi, 6 mpe bu kavutukidi ku nzo andi, tumisi zinkayi zandi na bantu bakwe banga mu nzo zi bela-bela nandi na wubateedidi ti: "Yangalaleeno ha kimosi nani, mu dyambu ti dimeme dyani di bedi dizimbala dyanyeni!" 7 Ni hahoho mpe, nina luteela ti kyese kyaalutila ku yulu mu dyambu ti munsumuki wumosi wu viludi madyela, kansi ka mu makumi vwa na vwa ko ma bantu bambote balembolo ba na nsatu ye viluka.»