Yesu ku nzo yi Mufalisi wu nkumbu Simoni
36 Mufalisi wumosi wutumisa Yesu mu dya kintwadi nandi. Yesu wukota mu nzo yi muntu bewowo na wuzakala ha meza. 37 Mu mbanza beyoyo muba na mukento wumosi wuba munsumuki. Bu kayuwa ti Yesu ha meza kadi mu nzo yi Mufalisi, wutwala mbwata yi alabati yifuluka mu mananasi, 38 na wuyenda ba kumanima ma Yesu, ha ndambu bitambi byandi. Wudila na wubodisa bitambi bi Yesu mu mansangasa mandi, mboki wukusuna byo mu milengi myandi na wufiba byo mpe wukusa byo mananasi.
47 Ni hahoho, nina luteela ti, yandi tambudi ndemvokolo yi masumu mandi mamingi, mu dyambu ti lonkidi luzolo lwandi lulwingi. Kansi, muntu wu bakwe lemvokilanga ndambu, wukwe lonkanga luzolo lu fyoti.» 48 Mboki Yesu ni kateela ku mukento bewowo ti: «Masumu maku ma lemvokolo.» 50 Kansi Yesu wuteela mukento ti: «Kiminu kyaku ki kuvuukisi: yenda mu kiyenge.»