De Openboarunk von Johanes 20

Jerecht ver däm grooten witten Troon

11 Un ekj sach eenen grooten witten Troon un dän, waut doabowen saut, ver wäms Aunjesecht de Ieed un de Himmel wajchfluagen; un doa wort kjeene Städ fa dee jefungen. 12 Un ekj sach de Doodje, groote un kjliene, ver Gott stonen, un de Bieekja worden opjemoakt; un een aundret Buak wort opjemoakt, woont daut Läwens-Buak es. Un de Doodje worden jerecht no daut, waut en de Bieekja jeschräwen wia, no äare Woakjen. 13 Un daut Mäa jeef de Doodje, dee doabennen wieren, un de Doot un de Hal jeewen de Doodje, dee doabennen wieren, un dee worden jerecht, een jiedra no siene Woakjen. 14 Un de Doot un de Hal worden en dän Fiasee jeschmäten. Dit es de tweeda Doot. 15 Un wan irjentwäa nich jefungen wort em Läwens-Buak jeschräwen, dän wort en dän Fiasee jeschmäten.