Evangelium Lukas 13

12 Oba aus Jesus ar sach, roopt Hee ar no sikj un säd to ar: Fru, du best jeleest von diene Krankheit. 13 Un hee läd ar de Henj opp; un see recht sikj fuaz opp un lowd Gott. 14 Oba de Synagogen-Väastona wort onwellich*13:14 Ooda: vedrisslich., daut Jesus aum Sabat heeld, un säd to de Volkjshäad: Doa sent sas Doag, aun dee eena oabeiden saul; aun dise komt un lot junt heelen, un nich aum Sabatdach. 15 Dan auntwuad am de Har un säd: Du Heichla! Leest nich een jiedra von junt aum Sabat sienen Oss ooda Äsel von de Kjrebb un fieet dän no de Drenkj? 16 Dise oba, dee eene Dochta von Abraham es, dee vom Soton jebungen wia aul achtieen Joa, kjikj, sull see nich von dise Benja jeleest woaren aum Sabatdach?