Izajaš 31

Vigos olenge, ko pes muken pro Egipt

1 Vigos olenge, ko džan te mangel e pomoca tele andro Egipt,

ko pes muken pro graja,

ko pes naďejinen pre peskre but verdana,

the pre bari zor peskre jazdcengri,

ale pro Sveto le Izraeloskro pes na muken

a le RAJES na roden.

2 No the o RAJ hino goďaver a šaj anel e pohroma;

ov na lel pale peskre lava.

Ušťela upre pro bijedevleskre manuša

the pre ola, ko pomožinen le nalačhenge.