Isaías 40

28 Tu na džanes? Tu oda na šunďal?

O RAJ hino večno Del,

ov stvorinďa o agora la phuvakre;

ov našťi ačhel strapimen aňi unavimen

a leskri goďi našťi te achaľol.

29 Ov del zor oles, ko hino strapimen,

a oles, ko na birinel, del bari zor.

30 O terne murša slabisaľon a hine strapimen;

le terne čhavenge poddžan o pindre a peren.

31 Ale ola, ko užaren pro RAJ,

chuden e nevi zor,

ľecinen sar orli le kridlenca;

denašen a nane strapimen,

phiren a šoha na slabisaľon.