Isaías 43

O RAJ zachraňinela peskre manušen

1 Ale akana, kavke phenel o RAJ,

savo tut stvorinďa, Jakobona, savo tut kerďa, Izraelona:

„Ma dara tut, bo me tut cinďom avri.

Vičinďom tut tire naveha, tu sal miro.

2 Te džaha prekal o paňa, avava tuha,

a te prekal o prudengre paňa,

na začhivena tut.

Te džaha prekal e jag,

na labareha tut a o plameňa pes tutar na chudena.

3 Se me som o RAJ, tiro Del,

o Sveto le Izraeloskro, tiro Spasiťeľis.

Diňom vaš tuke le Egipt,

le Kuš the la Seba,

hoj tut te cinav avri.