Yessuusi Ulfinnik Iyyerussaalemi’a E’ye
12 Langa barixxa gorsa ayyaanefato’a dageeki heddi ardi Yessuusi Iyyerusaalemi’a daga’neexa laqe. 13 Insa’ne meexxetika shafa abinde isoo qophe’no’a fulle. Insa’nenna hafuura gikki assineexxi:
«Hosa’inna! Goottiinke summinni dagaaki eebisemeken!»
«Isira’eelik moyanji eebbisemeeke!» hina’ni cancine.12:13 Far. 118:25-26.
14 Yessuusinna harretixxa beltanjo afee ise’ni hana gulfe; tinninna kaddeechchi, 15 «Tee Tsiiyoonnixxe belto sodaattoxxee! Yoona moyanji atiki harretixxe beltanjo’n hana gulufe dagaan» hiyyeme borreessemeeki raagi muuxemo’aten.12:15 Zek. 9:9.
16 Hordofeeyye isixxinna tenne yaane duuchcha sirete’n qalbefatemmabaan; yaane kinn Yessuusi ulfaateechchi uduma ookkone wodda tennee isixxe’e borreessendeexxanna insa’nenna tenne isi’a assendeexxa kassi hine.
17 Isinna Alaazaarii’i mooggokenaa’n ye’e woddanna reyotenaa’ni isoo ke’isse wodda; isinni welti hedhemmaki mann ke’a isixxa dhugaa kullaammani. 18 Heddi manninna konne mambe’iinka beessisa Yessusi asseexxa laqeemmaxxe’e isoo qophedho’a fule. 19 Tennexxe Feerisito weli’aanni weli «Yoona maa assa dandeesissa? Uuddineeni! Butta duuchchik ardi iso’o hordofeen» hine.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)