1 Isira'eelik ardi arishsho fuldama darre'n Arnoonixxe dhooqanaa'n Hamooni'enixxe kooba qico'n hedheeka Arebaka boga duuchcha; Yordaanoosi widi darre arishsho fuldamma darreka boga abideeki koneechchi butti'a hedheeka moyanjuwwa injifateeten. 2 Haseebonike qachcha'n ofo'le galcha'ammaki Amooritotik moyanji Siihoonitemman; isi galchamake bogiki Gele'adike bogika gamisa abide'e Arnoonixxe Dhooqake kasa'n hedheeke Aro'eeri hiyyemaake qachchanaa'n ke'exxi eettene Dhooqanni giddo Amoonike bogixxe gabala'n hedheeke Yaaboqike galaani qico'itemman.

3 Iittanni isi Kinereetixxe Abbaayya'naa'n Maxinetixxe Abbaayya qico'n hedheeka Arebaka dhidhimii darre, Beetiyeshimooti qico'ninna ookkoo'n bita'i darre'n Pisigaxxe kooba hundi qico'n hedheeke bogi qico'ni galcheemman.

4 Iittanni udu'meemmaki Raafayixxe gosak Baasaaniki moyanj Oogi Asitaarootinna Edire'ika qachcha moye galcha'nemman 5 Isixxi galcha Hermoonixxe kooba qico'n, Saleka, Geshuurekenna Ma'ikake qachchuwwi qico'n hedheeka Baasaanika boga duuchcha abide'e, Haseeboniki moyanji Siihooni galchammake Gele'adike bogike gamisi qco'n hedheeke boguwwi qico'ntemman.✝

6 Muuse Duuchchi Woddike Goottik erganj Isira'eelike ardinn welt konne lame moyanjuwwa injifateexxi boga insa'neka Roobeelixxe, Gaadixxenna Minaasexxe gamisa gosa'a qoode.✝

7 Iyyaasu Isira'eelike ardinn welt Yordaanoosi'n dhidhimi darreke boga'n hedhammaka moyanjuwwa lole injifate; konne moyanjuwwiki boginna Libaanoosixxe dhooqa giddo hedheeke Ba'aaligadike qachchanaa'n Seyiirike bita'a'n hexxeeexxe Halaqixxe kooba qico'n geyaammakemman. Iyyaasunna konne boga duuchcha mitte mitte Isira'eelixxe gosake mini'a geyaaka qadaada qoode. 8 Kunni boguwwinna koobatika boga, dhidhimi darreka koobati hundika boga, Areba, Yordaanoosixxe dhooqakanna dhooqa giddo boroti darre'n hedheeka adaddeeshummatika boganna bita'i darre'n hedheeka gammoojjichcha boga duchcha mitteba'a abideekemman. Kunni boguwwi edi wodda Hiititotike, Amooritotike, Kenaanitotike, Feeriizitotike, Hiwaatotikenna Iyyaabusitotike he'naammake bogamman.

9 Iyyaasu Isira'eelike ardinn welt lole'e injifateemmaki moyanjuwwiki qachchuwwi konneechchi buti'a hedhekeeran; Iyyaariko, Beeti'eeli bira hexxeexxi Ayii'i, 10 Iyyerusaalemi, Kebirooni, 11 Yaarmuuti, Lakkishshi, 12 Egilooni, Geezerii, 13 Debiri, Geederii, 14 Horima, Araadi, 15 Libina, Adulaami, 16 Maqeeda, Beeti'eeli, 17 Taapuha, Heferii, 18 Afeeqi, Leesherooni, 19 Madooni, Hatsoori, 20 Shimironimeroon, Akishafii, 21 Ta'inak, Megido, 22 Qaadeesi, Qerlmeeloosi hedhemmaki Yooqine'aami, 23 Abbaayyati qarqara hedheeki Doori, Geligeela hedheeki Gooyiminn, 24 Tirtsate kadaa wodda, duuchching moyanjuwwi mitteba sase tommeenna mittekemman.