1 Ali'aazaar qeesichchi, Neewek Belt Iyyaasunna Isira'eelike miniki aanchi aanchike soorreesuwwi Kenaanika boga Isira'eelike ardi'a geeyaka geego qoondeeki konneten. 2 Duuchchi Woddik Gootti Muuse ajajemmashshann Yordaanoosike galaan wido dhidhimi darre'n hedheeka boga duuchcha sallanenna gamisa Isira'eelixxe gosake mini'a hixiki qoode.,✝ 3 Muuse Yordaanoosi galan wido boroti darre'n hedheeka boga lamenna gamisa Isira'eelixxe gosake minia'a qoode; Leewwike gosatike minike ardi'a kinni geego uwwebaan.✝ 4 Yooseefixxi oose Minaasenna Efireemi lame Isira'eelixxe gosake minemman. Leewwike ardi'a hore alla'latike boga kadoole malee qadaada uunebaan 5 Tennexxee Duuchchi Woddik Gootti Muuse ajajeemmashshanni Isira'eeliki ardi boga qoodeme.

6 Barra mitte Yihudake gosake mini hadik ardi Geligeela giddo Iyyaasubaa dage; Insa'ne giddii'n Qeneezichcho Yifaanek belti Kaalebi hiyyee qici: «Qaadesi Berine he'nenna wodda Duuchchi Woddike Goottik erganji Muuse haaso'exxa anxanna atixxa yaane atinni egende'eten. 7 Duuchchi Woddike Goottik erganji Muuse Qaadesi Berinee'n boga dooyyona'a anee erga wodda ani shoole tomme woggake ka'umamman; hexxeexxa yaane dage'e dhugaa iso'n haaso'ennen 8 Annini welt me'emmaki weli manni kinni arda sodate'e culiphisashsha asse; ani kinni Duchchii Woddika Gootta anke Mageni'a miite godobinni ergatemenne. 9 Tennexxe Muuse eetene barra ‹Duuchchi Woddika Gootta anka Mageno mitte godobin hordofettaxxe'e iikki lekka atixxenni haxxeteki bogi, duuchchi woddi'a atikenna atixxe ooseke geego kade gataan› hiyye kakate.✝

10 «Isira'eeli gammoojje qiilla bogi giddixxe me'ani hexxee'na'a Muuse konne haaso'a haaso'exxe barranaa'n telchi qco'n uuddatteshshann Duuchchi Woddik Gootti hiyyemmashanni anee shoole tommenna onde wogga lubboti ugge galcheen; kunseteni ani ta'a saddeeta tommenna onde wogga geyennen. 11 Muuse anee erge wodda hedhennashshan telchonna jabaken; ookkone woddishsha telchonna fule lolee aagannoxxa hunna afeene. 12 Ta'a yoona Duuchchi Woddik Gootti uwwo'a eettene barra addachchiisemmaka konne'e kooba callika boga ani'a uwwi. Ati eettene barra Anaaqike ardik lumolmammakanna kolfanite'aka qachchuwwa afe'exxa eettenen barra laqqeetten, kaddo malee Duuchchi Woddiki Gootti hiyyemmashshann isi aninn welt hedhemmaxxe'e insa'nee bogakenaa'n shorrannon.»

13 Iyyaasunna Yifaaneka belto Kaalebii'i eebbiseexxi Kebiroonika qachcha geego isike kado'a uwwe. 14 Tennexxe Isi Duuchchi Woddika Gootta Isira'eelika Mageno mitte godobinni hordofemmaxxe'e Kebiroonika qachchi telchi qico'n Qeneezichcho Kaalebii'i Yifaaneke belitixxe horeteke qadaada kade gate 15 Kebiroonik qachchik summi edi wodda Anaaqixxe gosake manji duuchchinaa'n gurra fuleeke Arbaaqi hinaake manjichchike summi Qiriyati'arbaaqi hiyyeme ye'emaamman.

Ookkoneechchi uduma iikki bogi nage'a alfe.