1 Yooseefixxee horte'a uwwemeeki bogixxi bita'i darre'n gabala Iyyarkoke qarqari'n hedheeke Yordaanoosike galaaninaa'n kexxaan; tinninna boroti darre'n Iyyaarkoxxe muummuwwanaa'n kexxeexxi qiilla gammoojje qico'n marte geltaan; Iyyaarkoo'n kexxeexxi koobatike bogi giddii'n alallee qabbatte Beeti'eenli qico'n marte geltaan 2 Beeteli'inna ke'exxi Arkixxe gosaki ardi hedhemmake Axarotidarri hiyyemaake bogi giddi'n saxxa'n Looza marte gelteen 3 Ookko'ninna dhidhimidarre'n hedheeke Fileexitotixxe gosake bogixxa saxxa'n aadixxe Beetihoroni qico'n marte gelteen; ookko'n Geezeribaa, Geezerinana'n Meditiraanyanixxe Abbaayya'n marte urritaan. 4 Yooseefixxe oosexxi Minaasexxinna Efireemixxi horte konneechchi buti'a hedheek qadaadi uwweme.

5 Isira'eelii'i Efireemike minike aanchi aanchike qadaadixxi gabala Axaarooti Adaarii'n boroti darre'n alixxe Beetihoroni'aa qabbattaan 6 Ookko'ni saxxeexxi Mediteranixxe Abbaayya qico'n marte geltaan; middi darre'n insa'nexxi gabala Mikimetaatiten. Ookko'n ke'exxi borotidarre'n Ta'anaati Seelo'a wirri hite Yaanoha marete gelte. 7 Yaanohaa'n kexxeexi Axarootinna Ne'aratibaa adadde dirrite Iyyaariko gelte Yordaanoosike galaana'n wirri hita 8 Tinni gabala dhidhimi darre'n Taapuhaa'n kexxeexxi marte Qaanaka galaana gelta'n Mediteraanixxe Abbaayya'n marte uurtaan. Kunni Isira'eeli Efireemike minike aanchi aanchi arda'a uwwemeeki qadaadamman. 9 Kunn qadaadi Minaaseke aanchi aanchi ardi'a Efireemixxe horte'aa uwwemeemmaka qachchuwwa duuchchanna insa'neka olla'uwwa bukki asse abideeken. 10 Kunni Eefireemiki ardi kinn Geezeri hedhaammaka Kenaanika arda bogi giddii'ni shorreemmabaan. Tennexxee kani'anki ardi techchi qico'n Efireemike ardixxe oddo'n hedha'neen; kaddo malee Efiremiki aridi insa'nee jabaxxa huje hunnati ifi'a hujisa'emman.✝