1 Isira'eelii'i Yihudake minike aanchi aanchi ardi'a uwwemeeki bogixxi gabala Eedoomike bogixxe bita'i darrexxe gaba'la'n hexxeexxe Tsinixxe gammoojje qiillake kasi qico'n mare geyedheen. 2 Bita'i darre'n insa'neke bogixxi gabala Maxinetixxe Abbaayyake kasa'n bita'i darre'n abbaayya giddi'a suuxxi hiyye e'yeeke bogi qico'ntemman. 3 Ookkoo'n bita'i darre'n Aqirabiimika ora woxxe saxxe marte Tsini geltaan. Qaadesi Berineke bita'i darre'inna Hetseroonike qachchinaa'n sa'e me'ite Aadaarike qachchanaa'n toggi hiyyati Qarqake qachchi darre'n wirri hitaan. 4 Atsimoonike qachchibaa saxxe me'ati Gibtseke bogixxe gabala'n hedheeke galaani qico'n marte gelta'n, Mediteraniyetixxe Abbaayya'n marte uurtaan. Tinni bita'i darre'n Isira'eelii'i Yuhuudake minixxe gabalan.

5 Boroti darreexxi gabala Maxinetixxe Abbaayya qico'n, Yordaanoosik galaan timi qico'nten. Middi darrexxi gabala kinni Yordaanoosik galaanike timibaa'ni Abbaayya giddi'a suuxxi hiyye e'yeeke bogiba'n 6 Beetihogila qico'n marte geltaan, ookko'ninna Yordaanoosixxe dhooqake middanaa'n sa'exxi Boohaani hiyyemmake Roobeli beltike qaabbet kinji qico'n marte geltaan. 7 Ookko'ninna Akoorixxe dhooqanaa'ni Dabiri'a qabbatta'n Aduumimike ori edi darrexxe dhooqake bita'i'n middi darre'n Geligela'a wirri hitaan. Tennexxe Gabala Ensheemeshixxe muummexxa saxxa'n Enirogeeli marete gelteen. 8 Iittanni Heenomike belitixxe Dhooqake bita'a hexxeexxe adaddeeshumma'n Iyyaabusitotike qachchik kadeeke Iyyerusaalemike qachchi darree'n Heenomixxe dhooqa edi darre hexxeexxe koobaxxa xungo'n saxxa'n middi darre'n Raafayimixxe dhooqa marte gelteen. 9 Ookko'inna gabala koobatixxe xungo'n kexxeexxi Nefitohaaxxe muummuwwaba marte gelteen; Efiroonixxe koobake qachchuwwixxa saxxa'n Ba'aala yookaan Qiriyatiyi'aarimibaa wirri hitaan. 10 Ookko'ni Ba'aala qarqaranaa'n middi darree'n Seyiirixxe koobabaa wirri hitaan; Yi'arimi yookaan Kisaloon hiyyendaaxxe koobaxxa adaddeeshumma saxxaan adaddee Beetishemeshike qachchibaa dirrite Timinake qachchibaanna qaxxaamurtaan. 11 Tinninni gabala midha Aqaroonixxe koobake'n alallee qabate'e Shikerooni gama'n wirrihita'n Ba'aalixxe koobaxxanna Yabini'eelixxa saxxa'n Meditiraayanixxa Abbaayya marte geltaan.

12 Dhidhimi darrexxi gabalanna Meditiranixxe Abbaayyanna ise qariqara hedheeke bogi qico'niten; tinninna Yihudake ardke bogixxi elqe kayyi'n aanchi aanchixxi gabala tenneten.

13 Iyyaasu Duuchchi Woddik Gootti ajajemma shanni Kaalebii'i Yifaaneke belti'a Isira'eeli'i Yihudake gosati minike qoobinaa'n Qiriyati'arbaaqi yookaani Kebirooni gegoke kadaasha uwwe. (Ariba Enaaqike annamman) 14 Kaalebi Sasiinxa Enaaqixxa horte: Sesinii'i, Ahimaaniinna Talimayii'i Kebiroonina'n shorre.✝ 15 Ookko'n ke'exxi Debiri hedhammaka arda lolo'a me'e; Kunni qachchi edidarre Qiriyatisefeeri hiyyema'eemman. 16 Kaalebi «Qeriyatisefeerika qachcha lole'e abidake manji'a belto anixxa Akisaa'a aadhisaanen» hiyye 17 Tennexxe Kaalebika dayyo, Qeneezik belti Otini'eeli ookkonee qachcha lole abide; Kaalebinna belto ifika Akisaa'a Gotoonniyyani'a uwwee'na'a aadhe.

18 Akisa Gotoni'alba'a dagee wodda, anna isikenaa'ni huccaaka fichcha kadhataashsha duute ise'a gorsa uute* isenna harrichchotenaa'n dirriteshshanni Kaalebi isee, «Ati'a maasona'a hassaate?» Hiyye ise qore. 19 Isenna, «ani'a ute'ettaki bogi bagoke kadeemmaxxee'e wodi'iinxa muummuwwa ani'a uwwi» hite. Kaalebinna alee'ninna aadee'ni lame wodi'iinxa muumme ise'a uwwe.

20 Isira'eelii'i Yihudake gosati minik ardi'a aanchi aanchinni uwwemeeki geeg konneechchinni butti'a hedheeken: 21 Bita'i darre'n Eedoomi qico'n hedheeki Isira'eeli Yihudake gosati minik qachchuwwi Qebsi'eeli, Edeeri, Yaguri, 22 Qiina, Dimoona, Adi'aada, 23 Qaadeesi, Hatsoori, Yitinaani, 24 Zifi, Xellemi, Be'aaloti, 25 Hatsoorihadata, Qiriyotihetsirooni, yookaani Hatsoori, 26 Amaami, Shema'i, Moolada, 27 Hatsaarigada, Heeshiimoon, Beetiphaalexxi, 28 Hatsarishu'aali, Bersaabehi, Biiziyotiya, 29 Be'aala, Iiyuumi, Etseemi, 30 Eltolaadi, Kesili, Horima, 31 Tsiqilaagi, Maadiimana, Saanisana, 32 Liibawooti, Shilihiimi, Iyyiniinna Rimooni hiyyemmaki laakkoossiki lame tommenna sallane qachchuwwanna qachchuwwika ola'a duuchcha mitteba abideeten. 33 Gammoojichchi bogi giddo hedheeki qachchuwwi Eshita'ooli, Tsoori'a, Ashiina, 34 Zaanoha, Enigaanimi, Taapuha, Enaami, 35 Yaarmuuti, Adulaami, Sekooti, Azeeqa, 36 Shi'arayiimi, Aditaayimi, Gedeeranna Gederotaayim hiyyemaki laakkoossiki tommenna shoole qachchuwwanna qachchuwwika olla'a duuchcha mitteba abideeten.

37 Iittanni Tsinaani, Haadasha, Miigidaligaadi, 38 Dili'aani, Mitsiphpha, Yooqixi'eeli, 39 Lakishi, Bootsiiqati, Egilooni, 40 Kabooni, Lahimaasi, Kitilishi, 41 Gederoti, Beetidaagon, Naa'imanna Maqeeda hiyyemaaki laakkoossiki tommenna jaane qachchuwwunna qachchuwwi qarqara hedheeka shiixxaramma qachchuwwa duuchcha mitteba abideeten.

42 Konne duuchchinni welt Libina, Eteri, Ashaani, 43 Yiifitahi, Ashina, Neetsibi, 44 Qe'iila, Akizibinna Meriisa hiyyemaaki laakkoossiki salane qachchuwwanna qarqarake'n hedheeka shiixxaramma qachchuwwa duuchcha mittebaa abide'een.

45 Aqarooni hiyyemaak qachchi isi qarqara'n hedheemmake shiixxaramma qachchuwwi duuchchinni mitteba; 46 Aqarooninaa'n Mediteriyanixxe Abbaayya qico'n Ashidoodike qarqara'n ijaarememmaki qachchuwinna qachchuwwike qarqara'n hedheek shiixxarammi qacchchuwwi mitteba; 47 Iittanni Ashidoodike qachchi qarqara hedhemmake shiixxaramma qachchuwwinn mitteba; Gaazak qachchi Gibtseke qarqara hedheeke galaani qico'inna Mediteranixxe Abbaayya qico'ni hedheeke shiixxaramma qachchuwwin mitteba; 48 Koobatike bogi giddo Saamiri, Yaatiri, Soko, 49 Daana, Qiriyatiseferi yookaan Debiri, 50 Anaabi, Ashiteemo'a, Aanimi, 51 Goosheni, Holooninna Giilo hiyyemaaki tommenna mitti qachchuwwi qarqarake'n hedheeke shiixxaramma qachchuwinni mitteba bukki asse'en.

52 Iittanni Arabi, Duuma, Eshi'aani, 53 Yaanimi, Beetitapuuha, Afeeqa, 54 Humixa, Kebirooni hiyyendeexxi Qiriyati'arbaaqinna Tsii'ori hiyyemaaki laakkoossiki sallani qachchuwwi qarqara hedheeke shiixxaramma qachchuwwinn mitteba bukki asse'en.

55 Ma'ooni, Qermeloosi, Ziifi, Yuuxa, 56 Iyyizira'eeli, Yoqidi'am, Zaanoha, 57 Qayin, Gibi'anna Timina hiyyemaaki laakkoossiki tommi qachchuwwi qarqara hedhemmake shiixxaramma qachchuiwwini mitteniba bukki asse'en.

58 Ittani Halihuli, Betitsuuri, Geedoori, 59 Ma'iraati, Beetii'anotinna Elitiqo hiyyemaaki laakkoossiki jaani qachchuwwi qarqara hedhemmake shiixxaramma qachchuwwinni mitteba;

60 Qiritiyatibaali yookaan Qiriyatiyi'aariminna Raabati hiyyemaaki lamme qachchuwwi qarqara hedhemmake shiixxaramma qachchuwwinni mitteba 61 Konneerininn welt qiilla gammoojje giddo hedhemmake Beeti'araba, Miidiini, Sekakaa 62 Nibishaani, Maxineti qachchinna Eenigaadi hiyyemaak laakkoossiki jaani qachchuwwi qarqara hedheeke shiixxaramma qachchuwwinni mittebaten.

63 Yaane kinni Isira'eli'i Yihudaki ardi Iyyerusaalemi hedhaammaka Iyyaabusaxxe gosaka arda shorra dandennebaan. Tennexxee Iyyaabuusaki ardi telchi qico'n Isira'eeli Yihudake ardinni welt hedha'neen.✝