16 Ookoneechchi uduma nophphemmaba Naazireeti dage; edo assammashshanni edike sanbatixxa barranna Ayihudiinke magenooffachchotike mini giddi’a e’ye. Haaseesso’anna iima ke’eexxi uurre. 17 Wabeek Issayaasik Maxaafinna iso’n uwweme; Maxaafakanna farr assee wodda itti bakka hitta’emma qici:
18 «Goottink Hafuur ane’n hedheen;
hiyyeeyyetee eloxxa edo lallabonna’a
isi ane’e baallonse’een;
Usuremeekiiri’a tikeensha
balla’uwwakee uushsho
Miicememmakeeri’anna leexa fulchchona’a anee ergee’eni.
19 Eettene Goottake’n elle alfiteexxa wogga lallabonna’a ane’e ergedheen.»4:19 Isa. 61:1-2.
20 Ookkonechchi uduma Maxaafa mirqeexxi ergatemammake’n illeema hiisse ofo’le; ookkone Ayihudootiinke magenooffachchotike mine’n hedhemmak duuchchi iso’o hubate uuda’nemman. 21 Isinna insa’ne’n, «Kunni haaseessema’na’a laqqineek Woyyichchi maxaafik hiyyichchi telcho muuxeme» hiyye.