12 Yessuusinna ookkone qachchixxe hula bira geyaa wodda manni reyeeke manjika rensha dukeexxi qachchi giddii’n fula’emma; iikki reyeek manjinna amatee mitte beltomman; ama isixxinna aro’o shiwiteexxe hiyyeettemmaa; isenninna welti heddi manninna hedhemman. 13 Goottikinna ise’e uude wodda ise’a marareexxi ise’e «Mee oodh!» hiyye.
14 Yessuusinna shiqeexxi eettene renshiixxa rare angati tuqe; rare dukeemmak manninna uurre; Yessuusinna, «Koo dargaggeessa atee ke’i hiyya’ennen» hiyye. 15 Reyemmaakinna qophphiyye ke’e ofo’leexxi haaso’atte’ni ke’e; Yessuusinna ama isixxe’ni isoo uwwe.