Roomeke Manni'a 14

12 Tennexxe no’o’o mitti mitti umi no’okixxe huje’a Mageni edo shinqenexxi hisicho is’a uunanon.

13 Tennexxe weli’an weli mitti mitteke’n mura waallo. Tenne irra ayyinna ifike dayyike ora’n gufachiseexxa yookaan takaldaxxa yaane uggurabaashsha mudhowaal. 14 Gootta Yessuusinni hedhe’nexxi umo ifikenn mitte battoteexxi ita hexxebaaxxa ege’ne’enen; yaane kinni mitti manji mittie yaane’e battottesha asse uudeexxe kaddoole itti yaane isi’a battotteexxen.