1 ኑኒ ኦድዳባ ኦን አማንዴ?
ጎዳ ቀሰይ ኦደስ ቆንጭዴ?53:1 ዮሀ 12:38፤ ሮመ 10:16.
2 እ እያ ስንን መላ ቢታን አጭዳ ዱሩማ መላ፤
ፃጶ የድዳ ዶላ መላ ድጭስ።
ኑኒ እያ ሎይ ፄሎና መላ
ማል ዎይኮ ቴም ባዋ።
ኑኒ እያኮ ሺቆና መላ
ጩቹ ማልኦ ግደና።
3 እ አሳን ካትስ፥ እፀትስ፤
እ መቶፐነ አዛኖፐ
ሻከት ኤሮና አስ ግድስ።
አስ እያ በአናፐ ግድ
ባ ሶምኡዋ ዎራ ዛርያ አሳዳ ካትስ፤
ኑኒ እያ ቦንችቦኮ።
4 እ ቱማ ኑ ዋይያ ባዉ ኤክስ፤
ቃስ ኑ ዳቡራ ቶክስ።53:4 ማቶ 8:17.
ሽን ኑኒ፥ እ ፆሳን ደሸትድ ኩንድዳዳነ
ማዱንፅዳዳ ቆፕዳ።
5 ሽን እ ኑ ናጋራ ግሾ፥
ጫደትድ ማዱንፅስ፤
ኑ ቆሁዋ ግሾ ሾጨትድ ሊቅስ።53:5 1 ጰፅ 2:24.
እያ ሴራን ኑኒ ሳሮ ደምዳ፤
እያ ማዱንን ኑኒ ፓፅዳ።
6 ኑኒ ኡባይ ኦገ ባልዳ ዶርሳዳ ዎራ ብዳ፤53:6 1 ጰፅ 2:25.
ኑ ኡባይ ኑ ኦግያ ኦግያ ብዳ።
ሽን ጎዳይ ኑ ኡባ ናቁዋ
እያ ቦላ ዎስ።
7 እ ኡንኤትስ፤ ቆሄትስ፤53:7 ቆን 5:6.
ሽን ባ ዶና ዶይቤና።
ሹካናዉ ኤፍያ ኡርገ ዶርሳዳ ላገትስ፤
ባ እክስያ ሜድያ ኡራ ስንን
ስእ ግያ ዶርሳ መላ አይኮካ ፖግቤና።
8 ኤንቲ እያ ኡንኤንነ ጌላ ፕርዳን ኤፍዶሶና፤
እ ታ አሳ ናጋራ ግሾ ሾጨትድ፥
ደኦን ደኤይሳታ ቢታፈ ክችዳይሳ
እያ ኮቻፈ ኦን አኬክዴ?
9 እያ ዶናን ባል ባይና፥ እ፥ ኢታባ ኦና፥
ባ ሀይቁዋን ኢታ አሳታራ ታይበትስ፤
እያ ዱፎይ ዱረ አሳታራ ግድስ።53:9 1 ጰፅ 2:22.
10 ሽን እያ ቆሄተይነ እያ ኡንኤተይ
ጎዳ ሸነ ግድስ።
እ ባና ናጋራ ያርሾ ኦያ ዎደ
ባ ኮቻ በአና።
እያ ላይይ አዱቃና፤
ጎዳ ሸነይ እያ ኩሸን ፖለታና።
11 ባ ሸምፑዋ ዋያፐ ጉየ፥
እ ደኦ ፖኦ በአና፤ ኡፋይታና።
ታ ፅሎ አይለይ ባ ኤራተን ዳሮታ ፅልሳና፤
ኤንታ ቆሁዋካ ቶካና።
12 ሄሳ ግሾ፥ ታኒ እያ ግሹዋ
ግታ አሳታ ግዶን እማና፤53:12 ማር 15:28፤ ሉቃ 22:37.
ምኖታራ እ ድኡዋ ሻከታና።
እ ባ ሸምፑዋ ሀይቆስ አድ እምድ፥
ኢታታራ ፓይደትስ።
እ ዳሮ አሳ ናጋራ ቶክስ፤
ጌላታስ ጋናትስ።